Latest Marathi News

पुणे : पुरंदर येथील प्रस्तावित छत्रपती संभाजीराजे आंतरराष्ट्रीय विमानतळासाठी भूसंपादनापोटी महाराष्ट्र औद्योगिक विकास महामंडळाला पुढील वर्षभरासाठी ६ हजार कोटी रुपयांच्या कर्जाची थकहमी देण्याचा निर्णय राज्य सरकारने शुक्रवारी घेतला आहे. या कर्जात ५१ टक्के वाटा सिडकोचा असला तरी मुख्य कर्जदार ‘एमआयडीसी’च असेल. या निर्णयामुळे भूसंपादनासाठी आवश्यक जमिनीच्या दरांबाबत निर्णय घेता येणार असून, शेतकऱ्यांना लवकरच मोबदला मिळण्याचा मार्ग मोकळा झाला आहे.पुरंदर प्रस्तावित विमानतळासाठी सुमारे ३ हजार एकर जमीन संपादित होणार आहे. यासाठी सरकारने १० फेब्रुवारी रोजी ६ हजार कोटी रुपये कर्जास मान्यता दिली होती. हे विमानतळ बांधण्यासाठी एमआयडीसी, महाराष्ट्र विमानतळ विकास कंपनी, सिडको व पीएमआरडीए या संस्थांची एकत्रित विशेष कंपनी स्थापन करण्याचा निर्णय मंत्रिमंडळाच्या बैठकीत झाला होता. जिल्हा प्रशासनाने जागा संपादित करून एमआयडीसीकडे सुपूर्त करावी, असे ठरले आहे. त्यानुसार मंत्रिमंडळाने भूसंपादन निधीसाठी एमआयडीसीला प्राधिकृत करत हुडको किंवा इतर वित्तीय संस्थांकडूनही कर्ज घेण्यास मान्यता दिली आहे.कर्जफेडीची टक्केवारीएमआयडीसी १५, एमएडीसी १९, सिडको ५१, पीएमआरडीए १५ टक्के वाटा उचलणार आहे. राज्य सरकारची थकहमी शासन निर्णय जारी झाल्यानंतर वर्षासाठीच एमआयडीसीला तातडीने कर्ज घेऊन ते जिल्हा प्रशासनाला मोबदला वितरणासाठी द्यावे लागेल. सरकारने नेमलेली विशेष कंपनी ही कर्जफेडीस असमर्थ ठरल्यास राज्य सरकारकडून कर्जफेड करण्यात येईल.मोबदल्यासाठी शेतकऱ्यांचे हेलपाटेगेल्या दोन महिन्यांपासून भूसंपादनाचा मोबदला मिळेल, या आशेपोटी शेतकरी जिल्हा जिल्हाधिकारी कार्यालयात हेलपाटे मारत आहेत. मात्र, भूसंपादनाचे दर अद्याप निश्चित न झाल्याने मोबदला देण्यात अडचण येत असल्याचे सूत्रांचे म्हणणे आहे. दरम्यान, या शासन निर्णयामुळे दर निश्चिती होण्यास मदत होणार असून, लवकरच मोबदला देण्यात येईल, असेही सूत्रांचे म्हणणे आहे.

आंतरजातीय विवाह केल्यास संबंधित जोडप्यांना ५० हजार रूपये अनुदान देण्याची योजना आहे. ...

गडचिरोली जिल्हा दारूबंदी जिल्हा असला तरी गडचिरोलीला लागून असलेल्या भंडारा, गोंदिया जिल्हा आणि छत्तीसगड ...

‘अच्छे दिन येणार’ याची प्रत्येकांना आस लागून आहे. सरकार स्थापन होऊन दोन वर्षे झाली. ...

भारतीय स्वातंत्र्य लढ्यातील थोर पुढारी भारतीय असंतोषाचे जनक लोकमान्य बाळ गंगाधर टिळक यांनी आपल्या वाणी ...

जिल्हा शहर काँग्रेस कमेटीचे अध्यक्ष नंदू नागरकर व माजी प्रदेश सचिव सुनीता लोढीया, वंदना भागवत, हरिदास लांडे, ... ...