Latest Marathi News

बॉलिवूडचा लोकप्रिय पार्श्वगायक जुबिन नौटियालने आपल्या लाखो चाहत्यांना एक सुखद धक्का दिला आहे. 'रातां लंबियां' आणि 'लुट गए' सारख्या सुपरहिट गाण्यांनी प्रेक्षकांच्या मनावर राज्य करणाऱ्या जुबिनने लग्नगाठ बांधली आहे. उत्तराखंडच्या निसर्गरम्य वातावरणात पारंपरिक पद्धतीने हा विवाहसोहळा संपन्न झाला. ना कोणता गाजावाजा ना मीडियाची गर्दी, अगदी खाजगी पद्धतीने पार पडलेल्या या सोहळ्यात जुबिनने आपल्या बालपणीच्या मैत्रिणीसोबत आयुष्याची नवी सुरुवात केली आहे.'द टाइम्स ऑफ इंडिया' रिपोर्टनुसार, जुबिन नौटियालने लग्नासाठी आपले होमटाउन म्हणजेच डेहराडूनची निवड केली. जिथे आजकालचे बॉलिवूड सेलिब्रिटी डेस्टिनेशन वेडिंग आणि ग्रँड सेलिब्रेशनला पसंती देतात, तिथे जुबिनने साधेपणा जपला. जुबिनची पत्नी त्याची बालपणीची मैत्रीण आहे. यावर्षी व्हॅलेंटाईन डेच्या दिवशी त्याने सोशल मीडियावर एक छोटीशी झलक शेअर केली होती, ज्यामुळे त्यांच्या लग्नाच्या चर्चांना उधाण आले होते, त्यावर आता शिक्कामोर्तब झाले आहे.जुबिनच्या कुटुंबातील एका जवळच्या सूत्राने दिलेल्या माहितीनुसार, जुबिनला त्याचे वैयक्तिक आयुष्य नेहमीच खाजगी ठेवायला आवडते. त्याला मोठ्या सार्वजनिक उत्सवाऐवजी कुटुंबाच्या उपस्थितीत पारंपरिक पद्धतीने लग्न करायचे होते. या सोहळ्याला केवळ कुटुंबातील सदस्य आणि मोजकेच जवळचे नातेवाईक उपस्थित होते. जुबिनला आपल्या आयुष्यातील हा महत्त्वाचा दिवस प्रियजनांसोबत शांततेत साजरा करायचा होता जुबिन नौटियालचे करिअर सध्या यशाच्या शिखरावर असून त्याने आतापर्यंत २०० हून अधिक गाणी गायली आहेत. २०११ मध्ये 'एक्स फॅक्टर इंडिया' या रियालिटी शोमधून त्याने आपल्या प्रवासाला सुरुवात केली होती आणि २०१४ मध्ये 'सोनाली केबल' चित्रपटातून बॉलिवूडमध्ये पदार्पण केले. जुबिनच्या लग्नाची बातमी वाऱ्यासारखी पसरताच सोशल मीडियावर चाहत्यांनी आणि सेलिब्रिटींनी त्याच्यावर शुभेच्छांचा वर्षाव सुरू केला आहे. अद्याप जुबिनने अधिकृत सोशल मीडिया अकाऊंटवर लग्नाचे फोटो शेअर केलेले नाहीत. ते फोटो पाहण्याची चाहत्यांना उत्सुकता आहे.

हेल्दी बेबी कॅम्प ही जागृत करणारी संकल्पना घेऊन जॉन्सन अ‍ॅण्ड जॉन्सन व लोकमत एका भव्य कॅम्पचे आयोजन करीत आहे. ...

कौटुंबिक वादातून जन्मदात्याने आपल्या पाच वर्षांच्या चिमुरडीचा बळी घेतल्याची घटना वडाळ्यात उघडकीस आली. ...

काँग्रेसला स्वातंत्र्योपूर्व काळापासून चळवळीचा इतिहास आहे. जनमानसात काँग्रेसची विचारसरणी रुजली आहे. ...

नगरसेवकांच्या शिस्तीचा लगाम आयुक्तांच्या हातात देण्यास सर्वपक्षीय गटनेत्यांनी आज विरोध दर्शविला. ...

गत तीन महिन्यांपासून गायब असलेला उमरेड-कऱ्हांड अभयारण्यातील ‘जय’ या वाघाचा शोध घेण्यासाठी ...

आठवडाभरापासून सुरू असलेल्या पावसाच्या लपंडावामुळे साथीच्या आजारांचे प्रमाण वाढले आहे. ...

नगराध्यक्षपदाच्या निवडणुकीत शनिवारी भाजपला जोरदार धक्का बसला आहे. बहुमताचे संख्याबळ असतानाही ...

‘नो वर्क नो पे’ (विना काम विना वेतन) हा शासन निर्णय राज्यातील खासगी शाळा सेवाशर्ती नियमानुसार विसंगत आहे. ...

देशातील सर्वात श्रीमंत महापालिका म्हणून ज्या मुंबई महापालिकेची ओळख आहे; ...