Latest Marathi News

छत्रपती संभाजीनगर : गुन्हे शाखेच्या पथकाने अटक केलेल्या आरोपीने पुंडलिकनगर पोलिस ठाण्यातून रविवारी रात्री धूम ठोकली. पोलिसांनी झटपट शोध घेत काही तासांत त्याला पुन्हा अटक केली. मुकुंदवाडी रेल्वेस्टेशन परिसरात प्रवाशाची बॅग व मोबाईल हिसकवल्याच्या गुन्ह्यात या आरोपीला अटक केली होती.मुख्यंमत्र्यांच्या दौऱ्यामुळे रविवारी सायंकाळी पोलिस बंदोबस्तात व्यस्त असल्याची संधी चोरट्याने साधली. घरी जाऊन त्याने पोटभर जेवण केले व चक्क झोपी गेला. अभिषेक उर्फ भैय्या गोरखनाथ भुमकर (२१, रा. मुकुंदवाडी) असे आरोपीचे नाव आहे.गुन्हे शाखेच्या प्रतिबंधक पथकाने प्रवाशाची बॅग आणि मोबाईल हिसकावणाऱ्या अभिषेक उर्फ भैय्या गोरखनाथ भुमकर ( २१, रा. मुकुंदवाडी) याला पाठलाग करून ताब्यात घेतले. नंतर स्थानिक पोलिसांच्या मदतीने त्याचा साथीदार सोमीनाथ उर्फ सोनु रवी नरोडे (२३, रा. चिकलठाणा) यालाही अटक केली. पोलिसांनी त्यांच्याकडून ९ हजार रुपये किमतीचे दोन मोबाईल हस्तगत केले आहेत. आरोपींना पुंडलिकनगर पोलिस ठाण्यात ठेवले होते. ठाण्यात अर्ध्या तासाहून अधिक वेळ बसल्यानंतर एक आरोपी पसार झाल्याचे पोलिसांच्या निदर्शनास आले. तेव्हा पोलिसात खळबळ उडाली. आरोपीचा तात्काळ शोध सुरू करत थेट घर गाठले. तेव्हा हा आरोपी घरी पोटभर जेवण करून शांत झोपलेला पोलिसांना आढळून आला. पोलिसांनी त्याला पुन्हा ताब्यात घेत ठाण्यात आणले.

ज्या शेतकरी कुटुंबात शिक्षण वाढले, तिथे सुबत्ता आली़ त्यामुळे शिक्षण घ्या, केवळ शेतीवर विसंबून राहू नका ...

रखरखत्या उन्हापासून बागेचा बचाव करण्यासाठी बरगेवाडी शिवारात तीन हजार डाळिंबाची झाडे कापडाने झाकण्याचा ...

पाण्याचा टँकर, दुचाकी आणि अ‍ॅटोरिक्षांत झालेल्या विचित्र अपघातात पाच जण जखमी झाले ...

नगर तालुक्यातील बारादरी अकराशे लोकसंख्या असलेले छोटस गाव. या गावचे ...