Latest Marathi News

धनकवडी : एकमेकांकडे बघण्याच्या वादातून तरुणाच्या डोक्यात सिमेंटचा गट्टू घालून, तसेच तीक्ष्ण शस्त्राने वार करून खून करण्यात आल्याची घटना धनकवडीतील आंबेगाव पठार भागात घडली. याप्रकरणी भारती विद्यापीठ पोलिसांनी चार अल्पवयीनांना ताब्यात घेतले आहे.नयन सचिन जाधव (वय १८, रा. आंबेगाव पठार, धनकवडी), असे खून झालेल्याचे नाव आहे. याबाबत नयन याच्या आईने भारती विद्यापीठ पोलिस ठाण्यात फिर्याद दिली आहे. ‘खून केल्याप्रकरणी चार अल्पवयीनांना ताब्यात घेण्यात आले आहे. बालन्याय मंडळाच्या आदेशाने त्यांची रवानगी निरीक्षणगृहात करण्यात आली आहे’, अशी माहिती भारती विद्यापीठ पोलिस ठाण्यातील गुन्हे शाखेचे पोलिस निरीक्षक कैलास कोडग यांनी दिली.पोलिसांनी दिलेल्या माहितीनुसार, अल्पवयीन मुले आणि नयन हे धनकवडीतील आंबेगाव पठार परिसरात राहायला आहेत. दोन दिवसांपूर्वी त्यांच्यात एकमेकांकडे बघण्यावरून वाद झाला होता. सोमवारी (४ मे) रात्री सव्वानऊच्या सुमारास नयन आंबेगाव पठार येथील निलगिरी चाैकात थांबला होता. त्यावेळी अल्पवयीनांनी त्याला शिवीगाळ केली. त्याच्या डाेक्यात सिमेंटचा गट्टू घातला. त्याच्यावर तीक्ष्ण शस्त्राने वार केले. गंभीर जखमी झालेल्या नयनला तातडीने रुग्णालयात दाखल करण्यात आले. उपचारादरम्यान त्याचा मृत्यू झाला. पसार झालेल्या अल्पवयीनांना ताब्यत घेण्यात आले असून, पोलिस निरीक्षक कोडग तपास करत आहेत.

Cancer fighting food : निरोगी आहार केवळ तुमच्या आरोग्यासाठीच फायदेशीर नाही तर तुमचा कर्करोगाचा धोकाही कमी करू शकतो. ...

राज्यसभेत जो चमत्कार घडला तोच विधान परिषदेत होईल. आमदारांना घोडे म्हणणं हा त्यांचा अपमान आहे ...

तरुणीस प्रेमाच्या जाळ्यात ओढत तिच्याशी दुसरे लग्न केले ...

रेटवडी सतारकावस्तीची जिल्हा परिषद शाळा... ...