Latest Marathi News

मुंबई : अरबी समुद्रातील उच्च दाबाच्या क्षेत्राचा परिणाम म्हणून आजपासून ११ मेपर्यंत कोकणासह राज्याच्या विविध भागांत कमाल तापमानाचा पारा चढा राहील. मुंबईत कमाल तापमान ३६ अंश सेल्सिअसवर जाण्याची शक्यता असून, विदर्भासह मराठवाड्यात पारा चाळीशी नोंदविण्यात येईल. तर ९ ते ११ मेदरम्यान सांगली, सातारा, कोल्हापूर, सोलापूर, धाराशिव, संभाजीनगर, लातूर, नांदेड, बीड, हिंगोली, वाशिम, जालना, वर्धा, यवतमाळ आणि नागपूर या भागांत मान्सून पूर्व पावसासह काही ठिकाणी गारपिटीची शक्यता आहे.शेवटच्या वेतनाची ५० टक्के रक्कम पेन्शनपोटी मिळणार; सुधारित राष्ट्रीय निवृत्तीवेतन योजना लागू; महागाई भत्ताही साेबत मिळणारमहाराष्ट्र आणि गोव्यात ७ ते ११ मेदरम्यान उष्णता वाढण्याची शक्यता आहे. काही भागांत मान्सूनपूर्व वादळी पावसाचा अंदाज आहे. अरबी समुद्रावरील अँटिसायक्लोन पुढील आठवड्यात कमी होण्याआधी कोकण किनारपट्टीवरदेखील तापमान वाढ अपेक्षित आहे. हवामान अभ्यासक अथ्रेय शेट्टी यांच्याकडील माहितीनुसार, वाऱ्याची दिशा बदलेल. समुद्रातून जमिनीकडे वाहणारे वारे थोडे विलंबाने म्हणजे दुपारी स्थिर होतील. तोवर उष्णतेमुळे हवामान तापेल आणि तापमान अधिक नोंदवले जाईल.महामुंबईचा पारा ४२ वर!९ ते ११ मेदरम्यान गोवा आणि दक्षिण तसेच किनारी कोकण भागात, मुंबईसह तापमान ३५ ते ३७ अंश सेल्सिअसवर जाईल. तर नवी मुंबई, ठाणे आणि पालघरमध्ये तापमान ३७ ते ३९ अंशांपर्यंत पोहोचू शकते. जव्हार, शहापूर, कल्याण-डोंबिवली आणि महाड परिसरात ४० ते ४२ अंश सेल्सिअस तापमान नोंदवले जाऊ शकते. त्यामुळे या भागात उन्हाचे अक्षरश: चटके बसतील. त्याचबरोबर मुंबईत आर्द्रता अधिक राहील. त्यामुळे तापमान ३४ किंवा ३५ असले तरी उकाड्यामुळे घामाच्या धारा वाहतील.आर्द्रता वाढ, पूर्वेकडील वारे यामुळे रत्नागिरी, सिंधुदुर्ग, तसेच घाट परिसरात मान्सूनपूर्व सरी व विजांच्या कडकडाटासह वादळी पावसाची शक्यता आहे. काही ठिकाणी हे ढग पश्चिमेकडे सरकत मुरबाड, लोणावळा आणि महाड भागात हलक्या सरी देऊ शकतात.मध्य महाराष्ट्रात, पुणे व नाशिक येथे शनिवारपर्यंत तापमान ३६ ते ३८ अंश राहील. रविवार आणि सोमवारी ३९ ते ४१ अंशांपर्यंत वाढू शकते. येथेही काही ठिकाणी वादळी पावसाची शक्यता आहे.

महापालिकेच्या कर्मचारी अधिकाऱ्यांमध्ये तीव्र संताप ...

तालिबानने अफगाणिस्तानमध्ये लादलेल्या नियमांविरोधात सुरू झालाय संघर्ष ...

India vs Sri Lanka, 2nd ODI Live: भारत आणि श्रीलंका यांच्यातील दुसरा वन डे सामना (IND vs SL) कोलकात्याच्या ईडन गार्डन्सवर खेळवला जात आहे. ...

दाऊतपूर शिवारातून राखतळ्याची राख वाहून नेणे दिवस- रात्र चालूच आहे ...

उर्फीची नवी करामत समोर आली आहे जे बघून ट्रोलर्सने तिच्यावर निशाणा साधला आहे. ...

मुघल बादशहा १७२३ मध्ये त्यांस जगतशेठ अशी पदवी दिली होती. त्यामुळे, संपूर्ण घराणंच जगत शेठ नावाने प्रसिद्ध झालं. ...

नगरपालिका दुहेरी संकटात ...