Latest Marathi News

लोकमत न्यूज नेटवर्कनागपूर : महापालिका निवडणुकीत भाजपने ५१ माजी नगरसेवकांचे तिकीट कापत उमेदवारी नाकारली. यामुळे नाराज झालेल्या बऱ्याच माजी नगरसेवकांनी आता भाजप उमेदवारांविरोधात छुपी मोहीम सुरू केली आहे. पक्षाच्या उमेदवारांचे जोरात काम करू नका, सभा, बैठकांना गर्दी जमवू नका, प्रचारात खूप सक्रिय राहू नका, शक्य असेल तर पडद्यामागून विरोधी उमेदवाराला थेट मदत करा, अशा सूचना या नाराज माजी नगरसेवकांनी आपल्या समर्थक कार्यकर्त्यांना दिल्या आहेत. यामुळे बऱ्याच प्रभागात भाजपचा प्रचारच बसला असून, याचा फटका सुमारे २५ जागांवर बसण्याचा धोका निर्माण झाला आहे.भाजपने महापालिकेत 'मिशन १२०'चा नारा दिला आहे. शहरातील १५१ पैकी १०५ जागांवर महायुतीकडून नवीन उमेदवार देण्यात आले. युतीकडून बंडखोरी टाळण्यासाठी उमेदवारांना थेट एबी फॉर्मचे वाटप केले आणि ५१ माजी नगरसेवकांच्या नावावर फुली मारण्यात आली. माजी नगरसेवकांची निष्क्रियता आणि जनतेमध्ये त्यांच्याबाबत असलेला रोष यामुळे हे पाऊल उचलण्यात आले. पक्षासाठी इतके वर्षे राबूनही तिकीट नाकारल्यामुळे या ५१ पैकी अनेक जण नाराज झाले पक्षनेत्यांसमोर काहींनी उघड नाराजीही व्यक्त केली. बहुतांश जणांनी बंडखोरी करण्याचे टाळले मात्र, जवळपास काही माजी नगरसेवकांनी विद्यमान उमेदवारांविरोधातच छुपी मोहीमा सुरू केली आहे. त्यांचे समर्थक तसेच प्रभागातील नागरिकांमध्ये संबंधित माजी नगरसेवकावर अन्याय झाला असून, नवीन उमेदवाराविरोधात वातावरणनिर्मिती करण्यात येत आहे.बाहेरील उमेदवार का थोपविला?मुख्यमंत्र्यांचाच मतदारसंघ असलेल्या दक्षिण-पश्चिम नागपुरातील एका माजी नगरसेवकाने तर 'लोकमत'सोबत बोलताना थेट ही बाब बोलून दाखविली. मी माझ्या प्रभागाचा आजवर झाला नाही, इतका विकास केला. मात्र, बाहेरील प्रभागातील व्यक्तीची उमेदवारी आमच्यावर थोपविण्यात आली. ही बाब नागरिकांनाही खटकत आहे आणि निश्चितपणे याचा पक्षाला फटका बसेल, अशी संतप्त प्रतिक्रिया संबंधित माजी नगरसेवकाने बोलून दाखविली. अनेक माजी नगरसेवकांचा असाच सूर असून, पक्षनेत्यांनी शब्द देऊनही उमेदवारी दिलेली नाही. अशा स्थितीत आमची काय क्षमता आहे हे दाखवून देण्याची गरज आहे असे त्यांचे म्हणणे आहे. त्यामुळे प्रभागाबाहेरील उमेदवारांसमोरील आव्हाने निश्चित वाढणार आहेत.या माजी नगरसेवकांना बसला होता धक्काभाजपने मागील काही कालावधीतील सर्वेक्षण अहवाल, सक्रियता आणि मुलाखती यांच्या आधारावर तिकिटांचे वाटप केले. त्यात अनेक माजी नगरसेवकांचे तिकीट कापण्यात आले आणि त्यांना इतर कुठूनही संधी देण्यात आली नाही. त्यात नंदा जिचकार, सरला नायक, शकुंतला पारवे, नसीमबानो खान, प्रवीण भिसीकर, अर्चना पाठक, अमर बागडे, वर्षा ठाकरे, उज्ज्वला शर्मा, संजय बंगाले, शिल्पा थोटे, योगीता तेलंग, प्रमोद कौरती, लता काडगाए, सुमेधा देशपांडे, नेहा वाघमारे, यशश्री नंदनवार, दीपराज पार्डीकर, महेश महाजन, ज्योती भिसीकर, राजेश घोडपागे, वंदना यंगटवार, श्रद्धा पाठक, मनोज चापले, मनीषा धावडे, अनिल गेंद्रे, चेतना टांक, वैशाली रोहनकर, मनीषा कोठे, समिता चकोले, वंदना भुरे, हरीष दिकोंडवार, रेखा साकोरे, भगवान मेंढे, स्वाती आखतकर, नागेश सहारे, रिता मुळे, उषा पॅलेट, शीतल कामडे, अभय गोटेकर, वंदना भगत, राजेंद्र सोनकुसरे, माधुरी ठाकरे, जयश्री वाडीभस्मे, अविनाश ठाकरे, पल्लवी शामकुळे, लहुकुमार बेहते, प्रकाश भोयर, प्रमोद तभाने, सोनाली कडू यांचा समावेश आहे.

आदिवासी ग्राम वसाली येथील घटना : आगीत अन्नधान्य, कपडे, रोकड, कागदपत्रांसह इतर साहित्य भस्मसात ...

Constable Manju Serial : 'कॉन्स्टेबल मंजू' या मालिकेत पण लग्न समारंभ प्रेक्षकांना पाहायला मिळणार आहे. ...

विषारी द्रव्य प्राशन केल्याने खामगाव तालुक्यातल बोथा येथील शरद पवन पायघन १९ या युवकाची प्रकृती खालावली. ...

ईडीने आप आणि त्यांच्या नेत्यांना मिळालेल्या परदेशी फंडातील अनियमिततेवर बोट ठेवले आहे. ...

प्रादेशिक हवामान केंद्राने वर्तवलेल्या अंदाजानुसार दि २० मे ते २२ मे पर्यंत इथे होणार पाऊस ...

बीड जिल्ह्यात मागच्या पावसाळ्यात समाधानकारक पाऊस झाला नसल्याचा परिणाम आता समोर येऊ लागला आहे. ...

विशेष पॉक्सो न्यायालयाने सख्खे भाऊ असलेल्या दोन्ही मुख्य आरोपींना मृत्यूदंडाची शिक्षा सुनावली आहे. ...