Latest Marathi News

UP Crime: यमुना नदीच्या पात्रात स्नान करत असताना काही तरुणांनी चोरून व्हिडिओ काढल्याच्या धक्क्यातून दोन किशोरवयीन मुलींनी विष पिऊन जीवन संपवण्याचा प्रयत्न केला. चित्रकूट जिल्ह्यातील पहाडी पोलीस ठाण्याच्या हद्दीत ही खळबळजनक घटना घडली आहे. याप्रकरणी पोलिसांनी गुन्हा दाखल केला असून आरोपींचा शोध घेण्यासाठी तपास सुरू केला आहे.नेमकं प्रकरण काय?मिळालेल्या माहितीनुसार, १६ आणि १७ वर्षीय दोन मैत्रिणी गुरुवारी यमुना नदीत आंघोळीसाठी गेल्या होत्या. त्याच वेळी तिथे दबा धरून बसलेल्या काही नराधमांनी या मुलींचे मोबाईलवर व्हिडिओ बनवले आणि फोटो काढले. ही बाब मुलींच्या लक्षात आली आणि परिसरात याची चर्चा झाली. या घटनेची माहिती मिळताच मुलींच्या कुटुंबीय त्यांच्यावर घरी आल्यावर प्रचंड ओरडले दिला आणि रागावले.नदीवर काढलेले व्हिडीओ व्हायरल होतील आणि घरातून ओरडा बसल्यामुळे या दोन्ही मुली प्रचंड मानसिक दडपणाखाली आल्या. यातून त्यांनी शुक्रवारी विष प्राशन करून टोकाचे पाऊल उचलले.प्रकृती चिंताजनक; उपचार सुरूविष प्यायल्याचे लक्षात येताच कुटुंबीयांनी त्यांना तातडीने स्थानिक आरोग्य केंद्रात दाखल केले. मात्र, त्यांची प्रकृती चिंताजनक असल्याने त्यांना आधी जिल्हा रुग्णालय आणि त्यानंतर बांदा येथील राणी दुर्गावती मेडिकल कॉलेजमध्ये हलवण्यात आले आहे. सध्या या दोन्ही मुली मृत्यूशी झुंज देत असून त्यांची प्रकृती गंभीर असल्याचे सांगण्यात येत आहे.पोलिसांच्या तीन टीमकडून तपास सुरूचित्रकूटचे पोलीस अधीक्षक अरुण कुमार सिंह यांनी या घटनेची गंभीर दखल घेतली आहे. त्यांनी तपासासाठी तीन स्वतंत्र पथके तैनात केली आहेत.'व्हिडिओ' बनवणाऱ्या नराधमांचा शोध जारीया घटनेमुळे उत्तर प्रदेशात महिलांच्या सुरक्षिततेचा मुद्दा पुन्हा एकदा ऐरणीवर आला आहे. सार्वजनिक ठिकाणी महिलांचे असे चोरून व्हिडीओ काढणे आणि त्यांना मानसिक त्रास देणे अशा गुन्ह्यातील आरोपींवर कठोरात कठोर कारवाई करण्याची मागणी स्थानिक नागरिकांमधून होत आहे. मुलींनी दिलेल्या माहितीत आरोपींनी व्हिडिओ काढल्याचा स्पष्ट उल्लेख केला आहे. पोलीस आता आरोपींची ओळख पटवण्याचे काम करत आहेत.

ब्रिटिश काळापासून सार्वजनिक मालमत्ता असलेल्या शासकीय जागेला अतिक्रमणाचे ग्रहण लागले आहे. ...

ऐरोली विभागातील पालिका कर्मचा:यांची आयुक्त आबासाहेब ज:हाड यांनी झाडाझडती घेतली. ...

रिक्षाचालकाच्या संशयित हालचालीमुळे कापूरबावडी येथे रिक्षातून उडी मारल्याने स्वप्नाली लाड ही जखमी झाली. ...