Latest Marathi News

नवी दिल्ली - देश सध्या कोरोनासारख्या महाभयंकर संकटाचा सामना करत आहे. याच दरम्यान अनेक धक्कादायक घटना या सातत्याने समोर येत आहेत. अशीच एक भयंकर घटना समोर आली आहे. सासूच्या टोमण्यांना वैतागून एका सुनेने अग्निपरीक्षा दिली आहे. पेटत्या निखाऱ्यांवरून चालणाऱ्या सुनेचा व्हिडीओ सध्या जोरदार व्हायरल झाला आहे. या घटनेने एकच खळबळ उडाली आहे. स्वतःला निर्दोष सिद्ध करण्यासाठी ती चक्क पेटत्या निखाऱ्यांवरून चालली आहे. मध्य प्रदेशच्या छिंदवाडा जिल्ह्यातील सौसर परिसरात ही नात्याला काळीमा फासणारी घटना घडली आहे. सासूच्या टोमण्यांना वैतागलेल्या सुनेने अखेर सासूच्या छळापासून मुक्ती हवी म्हणून पेटत्या निखाऱ्यांवरून चालत अग्निपरीक्षाही दिल्याची घटना समोर आली आहे. मिळालेल्या माहितीनुसार, गेल्या कित्येक दिवसांपासून सासू आणि सुनेचं पटत नव्हतं. त्यांच्यामध्ये छोटे मोठे वाद हे नेहमीच होत होते. आपल्या मुलाला काहीतरी खायला घालून सुनेने वश केलं आहे, असा आरोप सासूने केला. यावरून ती सुनेला सतत टोमणे मारायची. दररोजच्या या कटकटीला सून इतकी वैतागली की अखेर यातून मुक्ती मिळवण्यासाठी ती भोंदूबाबाच्या जाळ्यात अडकली. भोंदूबाबाने सुरुवातीला धर्मग्रंथावर सुनेला हात ठेवायला सांगितला. तिच्या सासूला ती निर्दोष आहे, हे पटवून देण्याचा प्रयत्न केला. पण सासू काही ऐकायला तयार नाही. ती तरी देखील सुनेला टोमणे मारत असे. मग भोंदूबाबाने महिलेला अग्निपरीक्षेचा मार्ग सांगितला. सुनेला पेटत्या निखाऱ्यावर चालत आपण निर्दोष आहोत हे सर्वांसमोर सिद्ध करायला सांगितलं. सासूच्या रोजच्या छळाला सून इतकी कंटाळली होती की ती त्यातून आपली सुटका व्हावी म्हणून ती चक्क पेटत्या निखाऱ्यांवर चालायला देखील तयार झाली. ही बातमी सगळीकडे वाऱ्यासारखी पसरली. महिलेचं कुटुंब, नातेवाईक, शेजारी, ग्रामस्थ हे सुनेला पाहण्यासाठी जमा झाले. जमिनीवर पेटते निखारे ठेवण्यात आले. त्यावरून आधी भोंदूबाबाने चालण्याचं नाटक केलं. त्यानंतर त्याने त्या महिलेला त्याच्यावरून चालायला सांगितलं. महिला एकदा नव्हे तर दोनदा या निखाऱ्यांवरून चालली. मोठ्या संख्येने लोक हा धक्कादायक प्रकार पाहत होते. सोशल मीडियावर या घटनेचा एक व्हिडीओ तुफान व्हायरल झाला असून अनेक जण यावर टीका करत आहेत. एका हिंदी वेबसाईटने याबाबतचे वृत्त दिले आहे.

खामगाव आगारात बसेस पडताहेत अपुर्‍या; दररोज ७ हजार पासधारक विद्यार्थ्यांंच्या कोंबून प्रवास. ...

खागवाव तालुक्यातील नागापूर येथील महिलांचे दारूबंदीसाठी आंदोलन. ...

खामगाव स्थानिक गुन्हे शाखेच्या पथकाने जन्मठेपेचा फरार कैद्यास अटक केली आहे. ...

बाद झालेल्या टॅक्सी परवान्यांचे नव्याने नूतनीकरण करून वाटप करण्याचा निर्णय परिवहन विभागाने घेतला आहे. ...

मातोळा तालुक्यात खताची कमतरतेमुळे कास्तकार अडचणीत. ...

साखरखेर्डा येथील गणपतीची स्थापना मानसिंग राजाने केलेली असावी, जानकाराचा कयास. ...