Kalyan Dombivli Marathi News | कल्याण डोंबिवली मराठी बातम्या | Latest Kalyan Dombivli News in Marathi | कल्याण डोंबिवली ताज्या बातम्या | Kalyan Dombivli Crime Marathi News | कल्याण डोंबिवली ब्रेकिंग न्यूज़| Breaking & Live Kalyan Dombivli News | Today's Kalyan Dombivli News paper

पंकज पाटील, लोकमत न्यूज नेटवर्क, बदलापूर: बदलापुरात राहणारे ज्येष्ठ चित्रकार सचिन जुवाटकर यांनी अयोध्येतील रामलल्लाच्या मुख्य मूर्तीसाठी चित्र साकारले. या चित्राचा काही भाग मूर्ती साकारताना स्वीकारण्यात आला आहे. देशभरातील दिग्गज चित्रकारांकडून रामलल्लाच्या मूर्तीसाठी चित्र मागवण्यात आले होते. त्यात जुवाटकर यांच्याही चित्राचा समावेश होता.अयोध्येत साकारण्यात आलेल्या राम मंदिरातील मुख्य गाभाऱ्यातील रामलल्लाच्या मूर्तीची प्राणप्रतिष्ठापना करण्यात येणार आहे. या मुख्य मूर्तीचे कोरीव काम करण्यासाठी देशभरातील दिग्गज चित्रकारांना रामलल्लाचे चित्र रेखाटण्यास सांगण्यात आले होते. त्यानुसार देशभरातील अनेक चित्रकारांनी मूर्ती तयार करण्यासाठी आपल्या कल्पकतेने चित्र साकारले. मात्र समितीने या चित्रांचे परीक्षण केल्यानंतर देशभरातील चार चित्रकारांचे चित्र स्वीकारले. त्यात मुंबईचे वासुदेव कामत आणि बदलापूरचे सचिन जुवाटकर यांच्या चित्राचा समावेश होता.समितीशी संलग्न असलेले चित्रकार विश्वकर्मा यांच्या चित्राचा महत्त्वाचा भाग मूर्ती तयार करताना स्वीकारण्यात आला. देशभरातील चार दिग्गज कलाकारांनी साकारलेल्या चित्राच्या आधारावरच अयोध्येतील रामलल्लाची मूर्ती साकारण्यात आली आहे. ज्यांच्या देखरेखीखाली राम मंदिराची उभारणी केली जात आहे ते डॉ. सच्चिदानंद जोशी यांच्यामुळेच आपल्याला रामलल्लाची सेवा करण्याची संधी मिळाल्याची प्रतिक्रिया जुवाटकर यांनी दिली.सुचवलेल्या सूचनांचा आदरजुवाटकर यांनी रामलल्लाचे रेखाटलेले चित्र आपल्या प्रेझेंटेशनच्या माध्यमातून समितीकडे सादर केल्यानंतर त्यांच्या सूचनांचा आदर समितीने केला. जी मूळ मूर्ती साकारण्यात येत आहे त्यात जुवाटकर यांनी आपल्या प्रेझेंटेशनच्या माध्यमातून केलेल्या काही सूचनांचा सहभाग करून घेण्यात आला आहे.निमंत्रण पत्रिकेवरही छायाचित्रअयोध्येत साकारण्यात आलेल्या रामलल्लाच्या मूर्तीसाठी जे चित्र निश्चित करण्यात आले आहे त्या चित्राचा वापर मुख्य निमंत्रण पत्रिकेवर करण्यात आला आहे.पाच वर्षे वयोगटातील मूर्तीराममंदिरात जी मूर्ती स्थापन करण्यात येणार आहे ती मूर्ती पाच ते सहा वर्षे वयोगटातील रामाची मूर्ती असून त्या वयोमानानुसारच चित्र साकारण्यात आले होते.‘रामलल्लाची मूर्ती साकारण्यासाठी जे चित्र अपेक्षित होते ते चित्र पाठवण्यासाठी मला कला दिग्दर्शक नितीन देसाई यांनी कल्पना दिली. त्यांच्यामुळेच आज आपल्या चित्राचा काही भाग रामलल्लाच्या मूर्तीत वापरल्याचा आपल्याला कायमस्वरूपी आनंद आहे.’- सचिन जुवाटकर, चित्रकार, बदलापूर

Kalyan Dombivli (Marathi News)

उल्हासनगर भाजपच्या वतीने अयोध्याच्या धर्तीवर रामजन्मभूमी मंदिराची प्रतिकृती गोलमैदान येथे बनविली आहे. ...

अक्षय कचरू अहिरे, सनी ऋषीपाल तुसाबंड आणि सागर उत्तम चव्हाण अशी मोक्का कारवाई झालेल्या आरोपींची नावे आहेत. ...

याप्रकरणी अजय सिंग आणि त्याच्या चार साथीदारांना मानपाडा पोलिसांनी अटक केली आहे. ...

दरवर्षी ७६ हजार नवी वाहने होतात दाखल; उल्हासनगर मनपाची पार्किंग व्यवस्था नाही ...

संपूर्ण मुंबई आणि ठाण्याची तहान भागवणारा तालुका म्हणजे मुरबाड शहापूर ...

कार्यक्रमास सार्वजनिक बांधकाम मंत्री चव्हाण हे उपस्थित होते. ...

काही वेळातच पोलिसांनी रोहित भालेकर आणि समिर चव्हाण याला अटक केली. ...

अयोध्येत प्राणप्रतिष्ठा होणाऱ्या मूर्तीचे बदलापूर कनेक्शन ...