Latest Hingoli News | Hingoli Marathi News | Latest Hingoli News in Marathi | हिंगोली: ताज्या मराठी बातम्या

हिंगोली : जिल्ह्याचे शिवसेनेचे नूतन संपर्कप्रमुख खा. विनायक राऊत यांच्या दौऱ्यातही शिवसेनेतील गटबाजी चव्हाट्यावर आल्याने निष्ठावान शिवसैनिक हैराण झाले आहेत.जिल्ह्यात दोन वर्षांपूर्वी शिवसेनेत गटबाजी सुरू झाली. लोकसभा निवडणुकीत शिवसेनेचे उमेदवार सुभाष वानखेडे यांचा पराभव झाल्यानंतर गटबाजीतील तीव्रता मोठ्या प्रमाणात वाढल्याचे वारंवार दिसून येत आहे. या गटबाजीतूनच शिवसेनेचे दोन संपर्कप्रमुख यापूर्वी बदलण्यात आले. त्यामध्ये बबनराव थोरात हे माजी आ. गजाननराव घुगे व डॉ. जयप्रकाश मुंदडा यांच्याजवळचे असल्याचे कारण सांगून त्यांना बदलण्यात आले. त्यानंतर नियुक्त करण्यात आलेले सुहास सामंत हे माजी खा. सुभाष वानखेडे व जिल्हाप्रमुख संतोष बांगर यांच्या जवळचे असल्याच्या कारणावरून त्यांना बदलण्यात आले. काही दिवसांपूर्वीच सामंत यांच्या जागी शिवसेनेचे सचिव खा. विनायक राऊत यांची नियुक्ती करण्यात आली.त्यानंतर नुकतेच खा. राऊत जिल्ह्याच्या दौऱ्यावर आले होते. या दौऱ्यात पुन्हा शिवसेनेतील वाद चव्हाट्यावर आला. राऊत यांच्या समोरच एकमेकांविरोधात जोरदार घोषणाबाजी झाली. राऊत यांच्या नर्सी फाटा येथील स्वागतापासून सुरू झालेला गटबाजीचा वाद हिंगोली येथील शासकीय विश्रामगृहात झालेल्या बैठकीत तीव्र झाला. लोकसभा निवडणुकीत पक्षाविरोधात काम केलेल्यांच्या विरोधात जोरदार घोषणा देण्यात आल्या. त्यामुळे राऊतही काही वेळ गोंधळले होते. त्यामुळे आगामी काळात जिल्ह्यातील गटबाजी कमी होणार की वाढणार? अशीच चर्चा होताना दिसून येत आहे. लोकसभा निवडणुकीच्या तोंडावर शिवसेनेतील वाद पुन्हा उफाळून आल्याने निष्ठावान शिवसैनिक अस्वस्थ झाले आहेत. (जिल्हा प्रतिनिधी)हिंगोली विधानसभेची शिवसेनेकडून मागणीऔरंगाबाद येथे बुधवारी झालेल्या शिवसेनेच्या बैठकीत हिंगोली विधानसभा मतदारसंघाची जागा शिवसेनेला सोडण्याची मागणी जिल्हाप्रमुख संतोष बांगर, जि. प. उपाध्यक्ष उद्धवराव गायकवाड, तालुकाप्रमुख कडूजी भवर, रामेश्वर शिंदे, अशोक नाईक आदींनी केली. मतदारसंघातील एकाही जिल्हा परिषद गटामध्ये भाजपाचे उमेदवार निवडून आले नसल्याने या जागेवर शिवसेनेचाच दावा असल्याचे यावेळी सांगण्यात आले.

Hingoli (Marathi News)

वसमत : उपमुख्यमंत्री अजित पवार यांनी जिल्ह्यातील वरिष्ठ अधिकाऱ्यांची शुक्रवारी आढावा बैठक घेतली. ...

आंबा चोंढी : हिंगोली जिल्ह्यातील चोंढी रेल्वेस्थानक पुर्णा-अकोला मार्गावरील महत्वाचे ठिकाण आहे. ...

औंढा नागनाथ : शेतात अनधिकृतपणे प्रवेश करून शासकीय खुणा उपटून टाकून पेरणी केली ...

दोन युवक जांभुळधाबा येथील रहिवासी : एकाचे प्राण वाचले, एक बेपत्ता ...