प्रवासादरम्यान प्रसूतीकळा... महिलेने ट्रॅव्हल्समध्ये दिला गोंडस बाळाला जन्म

देवरी ( गोंदिया ) : नऊ महिने पूर्ण झालेल्या गर्भवती महिलेने धावत्या ट्रॅव्हल्समध्ये बाळाला जन्म दिल्याची घटना देवरी येथे गुरुवारी (दि. १४) सकाळी आठ वाजता घडली. प्रियंका मंगू बंजारे (वय २३) असे या महिलेचे नाव आहे. आई व बाळ दोघेही सुखरूप असून त्यांना देवरी येथील ग्रामीण रुग्णालयात दाखल करण्यात आले.प्राप्त माहितीनुसार पुणे-बिलासपूर ट्रॅव्हल्स (सीजे ०८, एडब्ल्यू ०११३) ने प्रियंका बंजारे, तिचे पती आणि आत्या बुधवारी सायंकाळी बिलासपूरला आपल्या गावाकडे जाण्याकरिता पुण्यावरून बसले होते. गुरुवारी सकाळी आठ वाजता ही एका ट्रॅव्हल्स कोहमारा ते देवरीदरम्यान पोहोचताच प्रियंकाला प्रसूतीच्या कळा सुरू झाल्या. तिच्या पतीने ट्रॅव्हल्सचालकास सूचना दिल्यावर चालकाने तातडीने देवरी रुग्णालयात ट्रॅव्हल्स नेण्याचा निर्णय घेतला. तेव्हा रुग्णालयाजवळ ट्रॅव्हल्स पोहोचताच महिलेने ट्रॅव्हल्समध्येच गोंडस बाळाला जन्म दिला.महिलेची आत्या व ट्रॅव्हल्समधील महिला प्रवाशांनी यावेळी धावत येऊन महिलेला मदत केली. नंतर ट्रॅव्हल्समध्येच देवरी ग्रामीण रुग्णालयातील परिचारिका मदतीसाठी धावून आल्या. महिला व बाळ दोघेही सुखरूप आहेत. दोघांना देवरी ग्रामीण रुग्णालयात दाखल करण्यात आले आहे. ट्रॅव्हल्सचालक देवलाल शाहू व प्रवाशांनी माणुसकीचे दर्शन घडविले.डॉक्टरांनी दिली होती प्रसूतीची २१ तारीखप्रसूती झालेल्या महिलेने सांगितले की, आम्ही बिलासपूरजवळ मुंगेली जिल्ह्यातील साकेत येथे राहतो. रोजंदारीच्या कामासाठी पुण्याला बऱ्याच दिवसांपासून राहत होतो. माझे पती हे इमारत बांधकामाचे काम करतात. प्रवासाला निघण्यापूर्वी पुण्याला डॉक्टरांकडे मी तपासणी केली असता त्यांनी प्रसूतीची तारीख २१ सप्टेंबर असल्याचे सांगितले. म्हणून आम्ही आपल्या गावाकडे जात होतो. प्रवासादरम्यानच गुरुवारी बाळाला जन्म दिला. आम्ही दोघेही सुखरूप आहाेत. बसचालक व प्रवाशांनी मदत केली त्यासाठी मी त्यांची आभारी असल्याचे प्रियंका बंजारे यांनी सांगितले.चालक व प्रवाशांनी घडविले माणसुकीचे दर्शनधावत्या ट्रॅव्हल्समध्ये गर्भवती महिलेची प्रसूती झाली. यावेळी ट्रॅव्हल्समधील सर्व प्रवासी आणि चालकाने माणुसकीचे दर्शन घडविले. ट्रॅव्हल्समधील महिला प्रवाशांनीही मदत केली.बंजारे कुटुंबीय आनंदीप्रियंका मंगू बंजारे यांना दोन अपत्ये होती; पण त्यांपैकी एक बाळ जन्मत:च दगावले, तर एक बाळ जन्मानंतर दोन महिन्यांनी दगावले होते. त्यामुळे बंजारे कुटुंबीय दु:खात होते. पण त्यानंतर त्या पुन्हा गर्भवती राहिल्या. बुधवारी त्यांनी प्रवासाला निघण्यापूर्वी डाॅक्टरांकडे जाऊन तपासणी केली. डॉक्टरांनी प्रसूतीची २१ सप्टेंबर ही तारीख दिली. त्यामुळेच त्यांनी ट्रॅव्हल्सने गावाकडे येण्याचा निर्णय घेतला; पण गुरुवारी सकाळी ट्रॅव्हल्समध्येच प्रियंका बंजारे यांनी गोंडस बाळाला जन्म दिला. सुखरूप प्रसूती झाल्याने बंजारे कुटुंबीय आनंदित झाले.

Candidate	Party	Votes
Agrawal Gopaldas Shankarlal	Bharatiya Janata Party	75827
Amar Prabhakar Warade	Indian National Congress	8938
Dhurwas Bhaiyalal Bhoyar	Bahujan Samaj Party	4704
Atul Alias Kalkeejagatpatee Halmare	Baliraja Party	232
Chaniram Laxman Meshram	Peasants And Workers Party of India	669
Janardan Mohanji Bankar	Vanchit Bahujan Aaghadi	3810
Purushottam Omprakash Modi	Aam Aadmi Party	872
Arunkumar Premlal Chauhan	Independent	303
Kamlesh Murlidhar Ukey	Independent	5246
Kamalesh Ratiram Bawankule	Independent	190
Gajbhiye Pramod Hiraman	Independent	88
Javed Salam Pathan	Independent	180
Jitesh Radhelal Rane	Independent	884
Pralhad Pendhar Mahant	Independent	245
Bhuneshwar Singh Budhram Singh Bhardwaj	Independent	566
Laxman Pandurang Meshram	Independent	1107
Vinod Agrawal	Independent	102996
Vishnu Babulal Nagrikar	Independent	670

Assembly Constituency Result

Maharashtra Assembly Election 2019 - News Gondiya

मध्यम प्रकल्पांनाही आले पाणी ...

गोळा झालेला निधी मनिआर्डरच्या माध्यमातून राज्य सरकारला पाठविला ...

नदी काठावरील गावांना सर्तकतेचा इशारा ...

विद्युत वितरण कंपनीच्या अनागोंदी कारभारामुळे लंजे दाम्पत्याचा मृत्यू ...

आणखी आरोपी वाढण्याची शक्यता: अटक झालेल्या आरोपींना २४ सप्टेंबरपर्यंत पोलीस कोठडी ...

डांगोर्ली येथील घटना: पाच जणांना अटक, आणखी आरोपी वाढण्याची शक्यता ...

पांगोली नदीकाठावरील मंदिरात चोरी. ...

देवरी येथील घटना : आई व बाळ दोघेही सुखरूप ...