Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

जळकोट (जि. लातूर ) : एकीकडे नातेवाईकाच्या निधनाचे दुःख आणि दुसरीकडे काळाने घातलेला घाला, अशा हृदयद्रावक घटनेने जळकोट शहर हादरले आहे. अंत्यविधीसाठी नांदेड येथून कर्नाटककडे जाणाऱ्या एका कारचा भीषण अपघात झाला असून, यामध्ये एका वृद्ध महिलेचा जागीच मृत्यू झाला, तर अन्य तिघे जण गंभीर जखमी झाले. हा अपघात मंगळवारी रात्री १० वाजण्याच्या सुमारास जळकोट शहरातील महात्मा फुले चौकामध्ये घडला.पाेलिसांनी सांगितले, नांदेड येथील सूर्यवंशी कुटुंबीय आपल्या नातेवाईकाच्या अंत्यविधीसाठी कर्नाटक राज्यातील डोणगाव (ता. कमलनगर जि. बीदर) येथे कारने (एम.एच. १२ एफ ०२९९) निघाले होते. ही कार जळकोट शहरातून जाणाऱ्या राष्ट्रीय महामार्गावरून भरधाव वेगात उदगीरच्या दिशेने जात होती. याच दरम्यान, महामार्गावरील महात्मा फुले चौकाजवळ एका ट्रकचे (एम.एच. २६ ए.डी. ०३३३) टायर फुटल्याने तो रस्त्याच्या कडेला उभा होता. कारचा वेग अधिक असल्याने चालकाचे वाहनावरील नियंत्रण सुटले आणि कार उभ्या ट्रकला पाठीमागून जोरात धडकली. धडक एवढी भीषण होती की, कारचा चक्काचूर होऊन ती ट्रकच्या खाली घुसली.अपघातात जखमी महिलेचा जागीच मृत्यूअपघातात ध्रुपताबाई सूर्यवंशी (रा. नांदेड) यांचा गंभीर दुखापत झाल्याने जागीच मृत्यू झाला. तर कारमधील इतर प्रवासी बस्वराज सूर्यवंशी, गणेश सूर्यवंशी आणि वर्षा म्हेत्रे हे तिघेही गंभीर जखमी झाले आहेत. घटनेची माहिती मिळताच स्थानिक नागरिकांनी मदतीसाठी धाव घेतली आणि जखमींना कारबाहेर काढले.प्रकृती चिंताजनक; लातूरला हलवलेजखमींना तातडीने उपचारासाठी उदगीर येथील रुग्णालयात हलवण्यात आले. मात्र, त्यातील एकाची प्रकृती चिंताजनक असल्याने अधिक उपचारासाठी त्यांना लातूर येथे शासकीय रुग्णालयात हलविण्यात आल्याचे पोलिसांनी सांगितले.गतिरोधक बसवा; नागरिकांची मागणीजळकोट शहरातील या चौकात सातत्याने वाहनांची वर्दळ असते. अपघाताच्या भीषणतेनंतर संतप्त नागरिकांनी महामार्गावर तातडीने गतिरोधक बसवण्याची मागणी केली आहे. तपास पोलिस निरीक्षक माचेवाड यांच्यासह सहकारी तपास करत असून, रात्री उशिरापर्यंत अपघाताची नोंद करण्याची प्रक्रिया सुरू होती.

Crime (Marathi News)

दादर परिसरात राहणाऱ्या तक्रारदार जांभळे (४५) यांनी जाधव यांच्या ‘आई मला मारू नको’ चित्रपटात काम केले होते. ...

शर्थीचे प्रयत्न! मॉर्निंग वॉकला आलेल्या नागरिकांनी विझवली हनुमान टेकडीची आग. ...

परभणी जिल्हा व सत्र न्यायालयाचा दणका: लाचलुचपत प्रकरणी ग्रामसेवक दोषी; सक्तमजुरीची शिक्षा आणि दंडाची तरतूद ...

पालममध्ये हायव्होल्टेज ड्रामा! बेपत्ता तरुणाचे सोलापूर कनेक्शन; पोलिसांच्या चपळाईमुळे टळला मोठा अनर्थ ...

सायबर चोरांकडून शेअर मार्केट, फिरण्याचे आणि गुंतवणुकीचे आमिष दाखवून फसवणूक केली जात आहे ...

जळकोट हादरले! भरधाव कारचा उभ्या ट्रकला भीषण अपघात; तिघांची प्रकृती चिंताजनक ...