Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

छत्रपती संभाजीनगर : कमी दरात मका देण्याचे आमिष दाखवून व्यापाऱ्याने २२ लाख रुपये घेतले. मात्र, नंतर मका व पैसे दोन्ही न देता धाकदपटशाही केल्याने रघुनाथ उत्तम निकम (४१, रा. पिशोर) यांनी विष घेऊन आत्महत्या केली. १८ जून रोजी घडलेल्या घटनेप्रकरणी शनिवारी दौलताबाद पाेलिस ठाण्यात राजू पुंजाजी पाडसवान (रा. पिंपरखेडा, कन्नड) याच्यावर आत्महत्येस प्रवृत्त केल्याप्रकरणी गुन्हा दाखल करण्यात आला.रघुनाथ शेतीसह भुसार मालाचा व्यवसाय करत होते. यामुळे त्यांचे पाडसवानसोबत व्यवहार होत. २०२५ च्या सुरुवातीला पाडसवालने त्याच्या प्रणाली ट्रेडिंग कंपनीकडून कमी दराने मका देण्याचे आश्वासन दिले होते. त्यासाठी रघुनाथ यांनी मित्रांकडून उधार घेऊन त्याला २२ लाख रुपये दिले. एप्रिल महिन्यात रघुनाथ यांनी त्याला मका देण्याची विनंती केली. मात्र, पाडसवानने नकार दिला. शिवाय, २२ लाख रुपये घेतल्याचेच अमान्य केले. यामुळे रघुनाथ तणावात गेले. मित्रांचे २२ लाख परत करणे अशक्य होऊन मकाही न मिळाल्याने त्यांनी कुटुंबाकडे खंत व्यक्त केली होती.१२ जून रोजी जाधववाडीत गेलेले रघुनाथ घरी परतलेच नाहीत. याप्रकरणी कुटुंबाने सिडको पाेलिस ठाण्यात त्यांच्या बेपत्ता झाल्याची नोंद केली. त्यांचा शोध सुरूच होता. १५ जून रोजी त्यांचा भाचा राजेश जाधव व मामेभाऊ संतोष राऊतराव यांनी त्यांचा शरणापूर ते दौलतबाद रोडवर शोध घेण्यास सुरुवात केली. एका ढाब्यावरील व्यक्तीने त्यांच्या छायाचित्रावरून रघुनाथ पायी गेल्याची दिशा सांगितली. कुटुंबाने रस्त्यापासून काही अंतरावर शोध घेतला असता रघुनाथ एका झाडाखाली बेशुद्धावस्थेत आढळले. त्यांना तत्काळ खासगी रुग्णालयात दाखल केले. मात्र, १८ जून रोजी त्यांचा उपचारादरम्यान मृत्यू झाला. उपनिरीक्षक सुनील बोडखे तपास करत आहेत.

Chhatrapati Sambhajinagar (Marathi News)

गौतमनगर परिसरातील घटना; सिडको पोलिस ठाण्यात गुन्हा दाखल ...

डॉ. बाबासाहेब आंबेडकर अन्याय, अत्याचार विरोधी कृती समितीच्या नेतृत्वाखाली शहरात घोंगावले निळे वादळ ...

अलायन्मेंट मंजुरीसाठी ‘एनएचएआय’च्या मुख्यालयाकडे; मंजुरी मिळताच डीपीआर अन् निविदा ...

२०११ ची लोकसंख्या गृहीत धरून होणार प्रभाग रचना ...

गुन्हे शाखेने आतापर्यंत २१ आरोपी निष्पन्न केले आहेत. ...

३१५ पदांसाठी भरती प्रक्रिया सुरू, प्रशासन सावध ...

तहसीलदार सावंत हे सोमवारी दुपारी लासूरगाव येथे गेले. त्यांनी यावेळी शेतकऱ्यांच्या समस्या जाणून घेतल्या. ...

या भीषण अपघातामध्ये कार चक्काचूर झाली आहे. ...

आत्महत्येस प्रवृत्त केल्याप्रकरणी व्यापाऱ्यावर गुन्हा ...