Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

छत्रपती संभाजीनगर : गेल्या १५ दिवसांपासून तोंड झाकून फिरणाऱ्या शस्त्रधारी चोरांच्या टोळ्या शहरात रात्रभर चोरी, लुटमारी करत फिरत आहेत. प्रामुख्याने पिसादेवी, बीड बायपास, पडेगावसह वाळूज परिसरात यांचा वावर आढळला आहे. तीन दिवसांत दुकान फोडीसह घरफोडीच्या चार घटना उघडकीस आल्या असून सण, उत्सवात या टोळ्यांना पकडण्याचे पोलिसांसमोर आव्हान उभे राहिले आहे.देवळाई परिसरात कारमधून आलेल्या चोरांनी मोठ्या टॉमीने दुकानाचे शटर उचकटवून तब्बल ४ लाख रुपयांचा सुकामेवा चोरून नेला. ही घटना ताजी असतानाच पडेगाव-मिटमिटा परिसरातील तारांगण कासलीवाल सोसायटीमधील ओमसाई प्रोव्हिजन दुकान चोरट्यांनी बुधवारी मध्यरात्री २:३० वाजता फोडण्याचा प्रयत्न केला. महेश बालकिसन पंचारिया यांचे ओमसाई प्रोव्हिजन नावाने किराणा दुकान आहे. दुकानाच्या वरच्या मजल्यावर ते राहतात. बुधवारी रात्री १०:३० वाजता दुकान बंद करून ते घरी गेले. सकाळी ७ वाजता मात्र दुकानाचे शटर उचकटलेले दिसले. चोरांनी मोठ्या पकडने कुलूप तोडण्याचा प्रयत्न केला. मात्र, आतील बाजूनेही कुलूप असल्याने त्यांचा चोरीचा प्रयत्न फसला. महिनाभरापूर्वी देखील याच परिसरातील सराफा व्यावसायिकाचे दुकान फोडले होते. मात्र, सीसीटीव्ही फुटेजमधील सायरन वाजल्याने चोर पळून गेले. तिसऱ्या घटनेत पोलिस आयुक्तालयात कार्यरत एका पोलिस अंमलदाराचे घर फोडत लाखोंचा ऐवज लंपास झाला होता.एकच पद्धत, एकच देहबोलीबीड बायपास, पडेगावसह पिसादेवी परिसरात झालेल्या घरफोडीत चोरांच्या हातातील टॉमी, गणवेश, रेनकोट परिधान करण्याची पद्धत एकच आहे. शिवाय, देवळाई, म्हस्के पेट्रोलपंप परिसरातील घटनांसह पडेगावमध्ये देखील चोरांनी सीसीटीव्ही कॅमेरे फोडले होते.पिसादेवीतही किराणा दुकान लक्ष्यअनिल चव्हाण यांचे पिसादेवी परिसरातील श्रीकृष्ण रेसिडेन्सीमध्ये किराणा दुकान आहे. २ सप्टेंबर रोजी रात्रीतून दुकानाचे शटर उचकटून चोर आत घुसले. यात दीड लाख रुपयांचे किराणा सामान व इलेक्ट्रिक साहित्य चोरांनी लंपास केले.बीड बायपासवर अपार्टमेंटमध्ये रेकीगेल्या दहा दिवसांत देवळाई, खडी रोड, माऊलीनगरसह म्हस्के पेट्रोलपंप परिसरात चोरांचा वावर वाढला आहे. रात्री १ वाजेनंतर अपार्टमेंटमध्ये हातात शस्त्रांसह घुसून घरफोडीसाठी रेकी करत फिरत असल्याचे सीसीटीव्ही फुटेजमध्ये कैद झाले आहे.

Chhatrapati Sambhajinagar (Marathi News)

मुंबईसाठी नवी रेल्वे द्याच; पण ‘राज्यराणी’कडे थोडं लक्ष द्या ! ...

फुलंब्रीत पोखरी तलावावर मुलाला वाचविले, पण पित्याचा बुडून मृत्यू ...

एकाच आरोपीकडे अंमली पदार्थ, शस्त्र आणि जादूटोण्याचे साहित्य सापडल्याने पोलीसही चक्रावले. ...

'विजय आणि पराजय पचवता आला पाहिजे,' मराठा समाजाला शांत राहण्याचा मनोज जरांगेंचा सल्ला ...

एका क्षणात होत्याचं नव्हतं झालं! जीपच्या धडकेत चिमुकल्यासह पती-पत्नीचा दुर्दैवी मृत्यू ...

केळगाव घाटातील घटना; पोलिसांनी फिल्मी स्टाईल सापळा रचून सर्व आरोपीना रंगेहात पकडले ...

जाधववाडी बस डेपोत चार्जिंग स्टेशनचे काम अंतिम टप्प्यात ...

अपार्टमेंटमधील अन्य फ्लॅटचे दरवाजे बाहेरून लावून घेत रेकी, शहर हद्दीलगत देवळाई, खडी रोड परिसरात वाढला वावर ...