Solapur Marathi News | सोलापूर मराठी बातम्या | Latest Solapur News in Marathi | सोलापूर ताज्या बातम्या | Solapur Crime Marathi News | सोलापूर ब्रेकिंग न्यूज़| Breaking & Live Solapur News | Solapur Local News Update| Today's Solapur News paper

मोहोळ : शिवसेनेसाठी आम्ही रक्ताचे पाणी करतो, आम्ही मार खातो असे म्हणायचे आणि अंधारात वाड्यावर जाऊन मालकाचे पाय धरायचे अशा मंडळींना मी ओळखले आहे. मी कुठल्या मालकाला घाबरणारा नाही, असले शंभर मालक विकत घेणारा आहे असा हल्ला जलसंधारणमंत्री तानाजी सावंत यांनी लगावला.येथील घाटुळे मंगल कार्यालयात मोहोळ तालुका शिवसेनेच्या वतीने आयोजित केलेल्या कार्यकर्त्यांच्या मेळाव्यात ते बोलत होते. यावेळी व्यासपीठावर खासदार ओमराजे निंबाळकर, जिल्हाप्रमुख गणेश वानकर, सहसंपर्कप्रमुख लक्ष्मीकांत ठोंगे-पाटील, नगरसेवक मनोज शेजवाल, सेनेचे तालुकाप्रमुख अशोक भोसले, काकासाहेब देशमुख, युवा सेना जिल्हाप्रमुख महेश देशमुख , तालुका उपप्रमुख नागेश वनकळसे, झेडपी सदस्या शैला गोडसे, जिल्हा उपप्रमुख चरणराज चवरे, दादा पवार, नगरसेविका सीमा पाटील, शहराध्यक्ष विक्रम देशमुख, राजरत्न गायकवाड, पंचायत समिती सदस्या सुनीता भोसले मान्यवर उपस्थित होते.तालुक्यातील सच्चा आणि कडव्या शिवसैनिकांचा आजपर्यंत स्टेजवर बसणाºयांनीच अपेक्षाभंग केला आहे. यापुढे मी आता खपवून घेणार नाही. त्यामुळे शिवसैनिकांनो तुम्ही तुमची जागा सोडू नका. मला कुणी भुरळ घालू नका. या ठिकाणचा उमेदवार यापुढे आता समोर बसलेले शिवसैनिकच ठरवतील. भविष्यात पक्षात राहून पक्षाशी गद्दारी करणाºयांना सोडणार नाही. विधानसभेच्या निवडणुकीनंतर मीच मंत्री असणार आहे. त्यामुळे गद्दारी करणाºयांना मतदारसंघ सोडून जावे लागेल, असा इशारा दिला. सेनेत आता एकच गट म्हणजे स्वर्गीय बाळासाहेब ठाकरे यांची शिवसेना असेल असे सांगितले. यावेळी तालुका उपप्रमुख किरण वाघमोडे, दिलीप टेकाळे, दादा करणावर, तात्या धावणे, वाहतूक सेनेचे सोमनाथ पवार महेश दोडके, हर्षल देशमुख, सत्यवान देशमुख, चंद्रकांत गोडसे, सोमनाथ आखाडे, किशोर वाघचवरे, गणेश झेंडगे, भागवत मुळे, सचिन सुरवसे, शिवाजी पासले यांच्यासह तालुक्यातील शिवसैनिक मोठ्या संख्येने उपस्थित होते.शिवसेना सोडून जाणारे आताच जा- मला यापूर्वीच्या संपर्कप्रमुखासारखे समजू नका. मी तिकीट विकणार नाही. मी मास्तर आहे, प्रगती पुस्तक बघूनच काम करणार आहे. त्यामुळे तुम्ही काम करत रहा. ज्याचे काम चांगले असेल त्यालाच निश्चित उमेदवारी मिळेल. शिवसेना सोडून जाण्याची भाषा वापरणाºयांनी आताच स्टेज सोडून निघून जावे, असा इशारा सेनेचे जलसंधारण मंत्री तानाजी सावंत यांनी दिला.

Solapur (Marathi News)

बी.एफ. दमाणी प्रशालेचा प्रयोगशील उपक्रम; उत्कृष्ट सादरीकरणास बक्षिसांचे वाटप ...

तरूणाची कुटुंबासह भटकंती; शिक्षण अर्धवट सोडून स्वीकारला पिढीजात व्यवसाय ...

ख्यातनाम कीर्तनकारांच्या कीर्तनात त्याच्या पखवाजाचा निनाद संपूर्ण महाराष्ट्रात घुमतो ...

नागपंचमी विशेष; जनतेत करताहेत प्रबोधन ...

तामिळनाडूचे वर्धराज झाले पक्के सोलापूरकर; सोशल शाळेत नोकरी मिळाली..निवृत्तही झाले ...

मनभावन श्रावण... ...

शिवसेनेचा सभासद प्रस्ताव : सोलापूर महापालिका सभेत भाजप नगरसेवकांच्या भूमिकेकडे लक्ष ...

आज पहिला श्रावणी सोमवार : सिद्धरामेश्वरांच्या दर्शनासाठी रविवारी मध्यरात्रीनंतरच भाविक पडले घराबाहेर ...

करमाळा, मोहोळ शिवसैनिकांच्या मेळाव्यात भरला दम : व्यासपीठावर बसणाºयांनीच केला आतापर्यंत मोहभंग ...