Sangli Marathi News | सांगली मराठी बातम्या | Latest Sangli News in Marathi | सांगली ताज्या बातम्या | Sangli Crime Marathi News | सांगली ब्रेकिंग न्यूज़| Breaking & Live Sangli News | Sangli Local News Update| Today's Sangli News paper

कडेगाव :कडेगाव शहरासह तालुक्यातील सिटी सर्व्हे झालेल्या २० गावांमध्ये गावठाणातील जागा संपल्याने लोकांनी शेजारील शेतजमिनीत घरे बांधली. सिटी सर्व्हे होऊन ४० वर्षे झाली. तेव्हापासून गावठाण हद्दीबाहेर बांधलेल्या घरांची नोंद अकृषक (एनए) न करता केवळ करवसुलीसाठी ग्रामपंचायत दप्तरी नोंद झाली आहे. ही घरे कायदेशीर गावठाणात यावीत यासाठी सिटी सर्व्हे व्हावा, अशी मागणी आहे.वाढती लोकसंख्या लक्षात घेता गावठाण विस्तार होणे अपेक्षित आहे. दर दहा वर्षांनी जनगणना झाल्यावर वाढीव गावठाण प्रस्ताव घेऊन मंजूर करणे गरजेचे होते. १९८२ मध्ये तालुक्यातील २० गावांचा सिटी सर्व्हे झाला आहे. तेव्हापासून ग्रामपंचायती आणि शासनानेही वाढीव गावठाण मंजुरीकडे दुर्लक्ष केले आहे. सध्या गावठाणातील जागा संपलेल्या आहेत. गावाशेजारील शासकीय जमिनीही संपुष्टात आल्या आहेत. गावाशेजारील शेतजमिनी विकत घेऊन गावकुसाबाहेर घरे बांधली जात आहेत. या घरांना सोयी-सुविधा देताना काही ठिकाणी अडचणी येतात; पण ग्रामपंचायतींनी गावठाणाव्यतिरिक्त होणाऱ्या नवीन घरे व बंगल्यांचा सर्व्हे करून त्यांची ग्रामपंचायत दप्तरी नोंद केली. या नोंदीतून ग्रामपंचायतींना मिळणारा कररूपातील महसूल वाढला; पण या घरांना वीज, पाणी, गटारी व इतर मूलभूत सुविधा देताना अनेक अडचणींना सामोरे जावे लागत आहे.काही ठिकाणी घर मालकांना एकत्र येऊन पाण्याची पाइपलाइन, विजेचा खांब, गटारी बांधाव्या लागत आहेत. यातून मुक्तता होऊन ग्रामपंचायतींची सुविधा सर्व घरांना मिळण्यासाठी महसूल विभागाने गावठाण विस्तार योजना सुरू केली होती; पण याकडे दुर्लक्ष झाले. तालुक्यातील ३६ गावांत अद्याप सिटी सर्व्हेही झालेला नाही, तेथे सिटी सर्व्हे व्हावा, अशी अपेक्षा व्यक्त होत आहे.चौकट :या २० गावांत वाढीव गावठाण सर्व्हेची गरजकडेगाव शहर, कडेपूर, चिंचणी, वांगी, देवराष्ट्रे, अंबक, मोहित्यांचे वडगाव, रामापूर, हिंगणगाव बुद्रुक, खेराडे (वांगी), येतगाव, तोंडोली, शाळगाव, विहापूर, आमरापूर, नेवरी, हिंगणगाव (खुर्द), तडसर, शिवणी, वडिये रायबाग या गावांचा सिटी सर्व्हे झाला आहे. मात्र, येथे गावठाणबाहेर मोठा विस्तार झाला आहे.

Sangli (Marathi News)

दिघंची : दिघंची (ता. आटपाडी) येथे दिवसेंदिवस विषारी साप आढळून येण्याचे प्रमाण वाढत आहे. दिघंचीसह परिसरात पंधरा ... ...