Latest Pimpri Chinchwad News | Pimpri Chinchwad Marathi News | Latest Pimpri Chinchwad News in Marathi | पिंपरी -चिंचवड: ताज्या मराठी बातम्या

नसरापूर ( पुणे ) : पुणे -सातारा महामार्गावर रात्रीच्या वेळी दुचाकीस्वारांना थांबवून मारहाण करत लूटमार करणाऱ्या तिघांना राजगड पोलिसांनी अटक केली आहे. त्यांच्याकडून भुईंज येथून दुचाकीसह मोबाईल व पैसे जप्त केले आहेत.महामार्गावर केलेल्या लूटमार व मारहाणप्रकरणी मोहम्मद अनिस शेख (वय २७, रा. मलकापूर, ता. कऱ्हाड, जि. सातारा) यांनी या प्रकरणी तक्रार दाखल केली होती. राजगड स. पो. नि. संजय सुतणासे यांनी दिलेल्या माहितीनुसार, शुक्रवार (दि. ५) रात्री एक वाजण्याच्या सुमारास शेख हे त्यांची दुचाकीवरून क्रमांक (एमएच ११, बीजी ४३३६)ने सातारा बाजूकडे जात होते. महामार्गावर कामथडी (ता. भोर) येथे मागून स्प्लेंडर दुचाकीवरून आलेल्या तिघांनी त्यांना थांबवले. ‘तुमची पाठीमागे बांधलेली बॅग पडायला आली आहे,’ असे सांगून त्यांनी शेख यांना थांबवले होते. थांबल्यावर त्यांना मारहाण करत त्यांच्याकडील २१ हजार रुपये किमतीचा मोबाइल आणि रोख बाराशे रुपये घेऊन त्यांनी तेथून पोबारा केला होता.घटनेची माहिती मिळताच, राजगड पोलिस ठाण्यातील रात्र गस्ती पोलिसांनी तातडीने पाठलाग करत सुनील रघुनाथ मादस्वार (वय २१, रा. कोथरूड, पुणे), ऋषिकेश चंद्रकांत चंदनवाले (वय २०, रा. फुरसुंगी, पुणे) आणि लकी देविदास बर्गे (वय २३, रा. सातववाडी, हडपसर) यांना अटक केली आहे. या तीनही आरोपींना शनिवारी न्यायालयात हजर केले असता, न्यायालयाने त्यांना दोन दिवसांची पोलिस कोठडी सुनावली आहे. या प्रकरणी राजगड पोलिस पुढील तपास करत आहेत.

Pimpri Chinchwad (Marathi News)

शासकीय मानवंदना तसेच शंभुराजांवर हेलिकॉप्टरने पुष्पवृष्टीप्रसंगी मोठ्या संख्येने शंभुभक्त उपस्थित होते ...

पैसे देणाऱ्या मित्रासोबत भांडण करून त्याला मानसिक व आर्थिक त्रास दिला ...

याप्रकरणी रविवारी (दि. ७) हडपसर पोलीस ठाण्यात फिर्याद दिली आहे... ...

मुंबई मार्गिकेवर नवीन बोगद्यामध्ये उतारावर हा अपघात झाला.... ...

भुईंज येथून दुचाकीसह मोबाईल व पैसे जप्त केले आहेत... ...