Latest National News | National Marathi News | Latest National News in Marathi | राष्ट्रीय: ताज्या मराठी बातम्या

बिहारमधील सरकारी भरती प्रक्रियेतील ढिसाळ कारभाराचा एक धक्कादायक नमुना समोर आला आहे. रोहतास जिल्ह्यातील एका उमेदवाराने दिवाणी न्यायालयातील शिपाई पदासाठी अर्ज केला होता, मात्र जेव्हा त्याचे प्रवेशपत्र हाती आले, तेव्हा त्यावर उमेदवाराच्या जागी चक्क एका कुत्र्याचा फोटो लावण्यात आल्याचे उघड झाले आहे. या प्रकारामुळे प्रशासकीय यंत्रणेवर टीकेची झोड उठत आहे.बिक्रमगंज पोलीस स्टेशन अंतर्गत येणाऱ्या धावा गावातील रहिवासी रितेश कुमार यांनी २०२२ मध्ये दिवाणी न्यायालयात शिपाई पदासाठी अर्ज भरला होता. तब्बल चार वर्षांच्या प्रतीक्षेनंतर, २०२६ मध्ये या परीक्षेचे प्रवेशपत्र जारी करण्यात आले. रितेश यांनी मोठ्या आशेने इंटरनेटवरून आपले प्रवेशपत्र डाऊनलोड केले, मात्र ते पाहताच त्यांना मोठा धक्का बसला. प्रवेशपत्रावर रितेश यांचे नाव, पत्ता आणि इतर सर्व शैक्षणिक माहिती अचूक आहे. परंतु, फोटोच्या जागी रितेश यांच्याऐवजी एका कुत्र्याचा फोटो छापून आला आहेमिळालेल्या माहितीनुसार, या पदासाठीची लेखी परीक्षा १५ मार्च रोजी होणार आहे. रितेश कुमार यांचे परीक्षा केंद्र सहरसा जिल्ह्यात आहे. प्रवेशपत्रावर चुकीचा फोटो असल्याने परीक्षा केंद्रावर प्रवेश मिळणार की नाही? असा प्रश्न रितेशला पडला आहेत. त्यांनी तातडीने भरती मंडळ आणि संबंधित विभागाकडे तक्रार केली असून, नवीन दुरुस्त केलेले प्रवेशपत्र देण्याची मागणी केली आहे.राकेश कुमार काय म्हणाला?"मी पहिल्यांदा पाहिले, तेव्हा मला वाटले की डाऊनलोड करताना काही तांत्रिक चूक झाली असेल, पण पुन्हा तपासल्यावर तोच फोटो दिसत होता. चार वर्षे वाट पाहिली आणि आता हा असा प्रकार समोर आला आहे. जर ही चूक वेळेत दुरुस्त झाली नाही, तर माझे करिअर धोक्यात येऊ शकते. प्रशासनाने तातडीने यावर कार्यवाही करावी."बिहारमध्ये अशा चुकांची मालिकाचबिहारमध्ये सरकारी कागदपत्रांमध्ये अशा प्रकारच्या गंभीर त्रुटी आढळण्याची ही पहिलीच वेळ नाही. यापूर्वीही अनेक उमेदवारांच्या जात, उत्पन्न किंवा निवास प्रमाणपत्रांवर प्राण्यांचे किंवा सेलिब्रिटींचे फोटो छापले गेल्याचे प्रकार घडले आहेत. वारंवार घडणाऱ्या या घटनांमुळे ऑनलाइन अर्ज प्रणाली आणि डेटा मॅनेजमेंटच्या विश्वासार्हतेवर प्रश्नचिन्ह उपस्थित होत आहे.

National (Marathi News)

OM Birla in Lok Sabha: 'सहमती आणि असहमती ही लोकशाहीची परंपरा; समर्थन आणि टीका करणाऱ्या सर्व सदस्यांचे आभार.' ...

लव्ह जिहादच्या आरोपांवर मोनालिसा आणि फरमानने दिलं उत्तर ...

जम्मूमध्ये फारुख अब्दुल्ला यांच्यावर भर लग्नकार्यात गोळीबार; थोडक्यात बचावले, हल्लेखोर ताब्यात ...

LPG Protest: LPG च्या मुद्द्यावरून विरोधकांची संसद परिसरात सरकारविरोधात जोरदार घोषणाबाजी! ...

Parliament News: मुख्य निवडणूक आयुक्त ज्ञानेश कुमार यांच्याविरुद्ध महाभियोग आणण्याबाबत विरोधकांनी तयारी सुरू केली आहे. ...