Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

शिक्षण सभापती व शिक्षणाधिकारी करणार विद्यार्थ्यांचे स्वागतलोकमत न्यूज नेटवर्कनागपूर : मिशन बिगिन अगेनअंतर्गत महापालिका हद्दीतील शाळा, विद्यालये आज ४ जानेवारीपासून सुरू होत आहेत. शाळेतील सर्व शिक्षक व शिक्षकेतर कर्मचाऱ्यांनी कोविडची आरटीपीसीआर चाचणीचे प्रमाणपत्र शाळा व्यवस्थापन समितीकडे सादर करण्याचे आदेश मनपा आयुक्त राधाकृष्णन बी. यांनी दिले आहेत.शाळेच्या पहिल्या दिवशी मनपाचे शिक्षण समिती सभापती प्रा. दिलीप दिवे, शिक्षणाधिकारी प्रीती मिश्रीकोटकर व पदाधिकारी विद्यार्थ्यांचे स्वागत करणार आहेत. तसेच विवेकानंदनगर हिंदी माध्यमिक शाळेमध्ये विद्यार्थी आणि शिक्षकांसोबत संवादही साधतील.मनपा आयुक्तांच्या आदेशानुसार कोविडसंदर्भातील सर्व मार्गदर्शक सूचना आणि अटींच्या अधीन राहून इयत्ता १० वी आणि १२ वीचे वर्ग ४ जानेवारी २०२१ पासून सुरू करण्यास परवानगी देण्यात आली आहे. यासाठी सर्व शाळा व कनिष्ठ महाविद्यालयांनी सर्व प्रकारच्या मार्गदर्शक सूचना आणि अटींचे पालन करणे बंधनकारक आहे. शाळेमध्ये थर्मामीटर, थर्मल स्कॅनर, पल्स ऑक्सिमीटर, सॅनिटायझर, साबण, पाणी आदी सर्व आवश्यक वस्तू उपलब्ध असण्याबाबत शाळा प्रशासनाने दक्षता घ्यावी.....नियमांचे पालन बंधनकारकशिक्षक व शिक्षकेतर कर्मचाऱ्यांनी कोविडची आरटीपीसीआर चाचणी करणे बंधनकारक आहे. फिजिकल डिस्टन्स, मास्कचा वापर, वर्गात एका बाकावर एक विद्यार्थी, स्वच्छता ठेवणे आवश्यक आहे. शारीरिक अंतर राखण्यासाठी येण्याचे व जाण्याचे वेगवेगळे मार्ग निश्चित करणाऱ्या बाणाच्या खुणा करणे आवश्यक आहे....पालकांची लेखी सहमतीविद्यार्थ्यांनी शाळेत उपस्थित राहण्यापूर्वी त्यांच्या पालकांची लेखी सहमती शाळा प्रमुखांनी प्राप्त करून घेणे आवश्यक आहे. स्वच्छतागृहांचे वारंवार निर्जंतुकीकरण करणे, याबाबत संपूर्ण साहित्याची उपलब्ध करणे हे प्रत्येक शाळेला बंधनकारक आहे....अहवाल सादर करणे बंधनकारकआवश्यक सर्व बाबींची पूर्तता करूनच शाळा सुरू करण्यात याव्यात. उपरोक्त बाबींची पूर्तता झाली असल्याचा अहवाल जिल्हा परिषद नागपूर माध्यमिक शिक्षणाधिकारी, मनपा शिक्षणाधिकारी यांनी मनपा आयुक्तांना सादर करणे बंधनकारक आहे................सहा पॉझिटिव्हमनपाचे २५८ शिक्षक आणि १३० अन्य कर्मचारी यांची कोविड टेस्ट करण्यात आली. यात सहा जण पॉझिटिव्ह निघाले.

Nagpur (Marathi News)