Maharashtra News in Marathi | महाराष्ट्र मराठी बातम्या | Maharashtra News Paper Today | Maharashtra Marathi News Today Live | Crime News From Maharashtra | महाराष्ट्र ताज्या बातम्या | Maharashtra Breaking News in Marathi

मुंबई, दि. 11 - एसटीच्या सेवेत दाखल झालेल्या वातानुकूलित आणि आरामदायी अशा शिवशाही बसची आज विधान परिषदेचे सभापती रामराजे नाईक-निंबाळकर व मुख्यमंत्री देवेंद्र फडणवीस यांनी पाहणी केली. प्रवाशांच्या सुविधेसाठी एसटीमार्फत राबविण्यात येत असलेल्या विविध उपक्रमांसह शिवशाही बसची माहिती परिवहनमंत्री तथा एसटी महामंडळाचे अध्यक्ष दिवाकर रावते यांनी यावेळी दिली.दिवाकर रावते म्हणाले, प्रवाशांना अधिक सुखकर तसेच किफायतशीर दरात प्रवास करता यावा यासाठी तसेच खासगी वाहतुकीकडे वळलेल्या प्रवाशांना पुन्हा एसटीकडे वळविण्यासाठी एसटी महामंडळ विविध उपक्रम राबवित आहे. त्याचाच एक भाग म्हणून सर्व सुविधांनीयुक्त, वातानुकूलित आणि आरामदायी अशा 2 हजार शिवशाही बस एसटी महामंडळाच्या ताफ्यात दाखल होत आहेत. या बस मुख्यत्वे करून लांब पल्ला, मध्यम लांब पल्ला व आंतरराज्य मार्गावर चालविण्याचे नियोजन आहे. सध्या मुंबई-रत्नागिरी व पुणे-लातूर या मार्गावर ही बससेवा सुरू करण्यात आली आहे.इतर भागात टप्प्याटप्प्याने या बस प्रवाशांच्या सेवेत दाखल होणार आहेत, अशी माहिती मंत्री दिवाकर रावते यांनी यावेळी दिली. या बससाठी प्रति प्रवासी प्रति किमी साधारण दीड रुपया इतका किफायतशीर दर आहे. बसमध्ये प्रत्येक प्रवाशास स्वतंत्र मोबाईल चार्जर, सीट बेल्ट, पुशबॅक पद्धतीच्या सीटस, दोन एलसीडी टीव्ही अशा सुविधा आहेत. पूर्ण वातानुकूलित आणि आरामदायी असलेली शिवशाही बस प्रवाशांच्या निश्चितच पसंतीस उतरेल, असा विश्वास यावेळी उपस्थित मान्यवरांनी व्यक्त केला.

Maharashtra (Marathi News)

महावितरणच्या वतीने विद्युत पुरवठा वारंवार खंडित करण्यात येत असल्याने शेतकºयांमध्ये असंतोष पसरला आहे. ...

विदर्भातील महत्वाकांक्षी गोसे प्रकल्प शेतकºयांना वरदान ठरणार असे स्वप्न ....... ...

प्रधानमंत्री ग्रामसडक योजनेंतर्गत तब्बल सात कोटी रूपये खर्चून तयार केलेल्या .... ...

येथे शुक्रवारी सायंकाळी ४ वाजता सर्वपक्षीय सर्वधर्मीयांनी वरुणराजाला साकडे घालीत पावसासाठी प्रार्थना केली. ...

शहरातील काही हॉटेलमध्ये नागरिकांना दूषित पाणी देण्यात येते. ...

वाढती गुन्हेगारी, अवैध धंदे, अमानुष हत्या प्रकरण आदींमुळे शहरातील कायदा व सुव्यवस्था धोक्यात आल्याचे ...... ...