Latest Marathi News

अमरावती : संपूर्ण महाराष्ट्र हादरवून सोडणाऱ्या परतवाडा येथील अश्लील व्हिडिओ आणि फोटो व्हायरल प्रकरणाने आता एक नवे वळण घेतले आहे. या प्रकरणातील गुन्हेगारांच्या मुसक्या आवळण्यासाठी आणि तपासात कोणतीही कसर न सोडण्यासाठी अमरावती ग्रामीण पोलीस अधीक्षकांनी विशेष तपास पथकाची ‘एसआयटी’ची घोषणा केली आहे. तब्बल ४७ अनुभवी पोलीस अधिकारी आणि अंमलदारांची फौज या एका प्रकरणाच्या तपासासाठी तैनात करण्यात आली आहे.परतवाडा पोलीस ठाण्यात १३ एप्रिल रोजी रात्री नोंदवण्यात आलेल्या या गुन्ह्यात पोक्सो व माहिती तंत्रज्ञान कायद्याच्या कडक कलमांन्वये कारवाई सुरू आहे. या प्रकरणाचे गांभीर्य आणि समाजातील वाढता संताप लक्षात घेता, सहायक पोलीस अधीक्षक तथा आयपीएस डॉ. शुभम कुमार यांच्या नेतृत्वाखाली हे पथक काम करणार आहे. विशेष म्हणजे, या पथकात सायबर सेल, स्थानिक गुन्हे शाखा आणि विविध पोलीस ठाण्यातील तज्ज्ञ कर्मचाऱ्यांचा समावेश करण्यात आला आहे. यात तीन पोलिस निरीक्षक, चार सहायक पोलिस निरीक्षक व तीन पोलिस उपनिरीक्षकांचा समावेश आहे. आक्रमक पाऊल: कोणालाही सोडणार नाही!पोलीस अधीक्षकांनी स्पष्ट आदेश दिले आहेत की, जोपर्यंत या प्रकरणाचा तपास पूर्ण होत नाही, तोपर्यंत या पथकातील कोणत्याही कर्मचाऱ्याला इतर कोणतेही काम दिले जाणार नाही. याचाच अर्थ, पोलीस आता पूर्ण ताकदीनिशी केवळ या गुन्ह्याचा छडा लावण्यावर लक्ष केंद्रित करणार आहेत. अश्लील व्हिडिओ तयार करणारे, त्यात सहभागी असणारे आणि ते व्हायरल करून पीडितांच्या सन्मानाशी खेळणाऱ्या प्रत्येकाचा आता ‘हिशोब’ चुकता केला जाणार आहे.

भारतीय अवकाश संशोधन संस्था म्हणजे इस्त्रो येत्या 15 फेब्रुवारीला नवा इतिहास रचण्यासाठी सज्ज झाली आहे. ...

प्रत्येक कलाकाराचा एक ड्रीम रोल असतो. हा ड्रीम रोल कधी करण्यास मिळणार याची वाट ते पाहत असतात. अनेक चित्रपट ... ...

शिवसेनेने कामाचे डोंगर उभे केले आहेत. त्या बळावरच आम्ही जिंकू असा विश्वास उद्धव ठाकरे यांनी व्यक्त केला. ...