Bhagwant Mann : "अशोक मित्तल यांच्या घरावरील ED ची रेड ही टिपिकल मोदी स्टाईल"; भगवंत मान यांचा निशाणा

Bhagwant Mann And Ashok Mittal : पंजाबमध्ये आम आदमी पार्टीचे नेते आणि राज्यसभेतील उपनेते अशोक मित्तल यांचं घर आणि कार्यालयावर ईडीने छापा टाकला आहे. या कारवाईनंतर राजकीय क्षेत्रातून विविध प्रतिक्रिया येण्यास सुरुवात झाली आहे.

पंजाबमध्ये आम आदमी पार्टीचे (AAP) नेते आणि राज्यसभेतील उपनेते अशोक मित्तल यांचं घर आणि कार्यालयावर ईडीने छापा टाकला आहे. या कारवाईनंतर राजकीय क्षेत्रातून विविध प्रतिक्रिया येण्यास सुरुवात झाली आहे.

पंजाबचे मुख्यमंत्री भगवंत मान यांनी याप्रकरणी भाजपावर जोरदार टीका केली आहे. सोशल मीडिया प्लॅटफॉर्म 'X' वर मान यांनी लिहिलं की, "भाजपाद्वारे पंजाब निवडणुकीची तयारी सुरू झाली आहे. आम आदमी पार्टीचे राज्यसभा खासदार अशोक मित्तल यांचं घर आणि युनिव्हर्सिटीमध्ये ED ची रेड ही टिपिकल मोदी स्टाईल आहे. आम्ही ती पानं नाही जी फांदीवरून तुटून खाली पडतील, वादळांना सांगा की, त्यांनी आपल्या मर्यादेत राहावं."

भाजपा द्वारा पंजाब चुनाव की तैयारी शुरू… आम आदमी पार्टी के राज्य सभा सांसद अशोक मित्तल के घर और यूनिवर्सिटी में ED की रेड..typical मोदी स्टाइल..
हम भो पत्ते नहीं
जो शाख से टूट कर
गिर जाएँगे
आंधियो को कह दो अपनी औक़ात में रहें

— Bhagwant Mann (@BhagwantMann) April 15, 2026

" पंजाब निवडणुकीची तयारी सुरू

आम आदमी पार्टीच्या हरियाणा युनिटचे नेते अनुराग ढांडा यांनी देखील यावर भाष्य केलं आहे. त्यांनी लिहिलं की, "भाजपाने पंजाब निवडणुकीची तयारी सुरू केली आहे. आम आदमी पार्टीचे राज्यसभा खासदार आणि सभागृहातील पक्षाचे उपनेते अशोक मित्तल यांच्याकडे ईडीची कारवाई सुरू आहे. भाजपा कुठेही स्वतःच्या हिंमतीवर निवडणूक लढवू शकत नाही का? भाजपा इतकी हतबल झाली आहे का की त्यांच्या निवडणुकीची सर्व तयारी ईडी आणि सीबीआयच्या कारवाईनेच सुरू होते? मोदी सरकार एका हुकूमशहाप्रमाणे काम करत आहे. पंजाबचे लोक आम आदमी पार्टीच्या पाठीशी आहेत. भाजपावाल्यांनो, करत राहा ईडी आणि सीबीआयचा वापर."

वृत्तसंस्था 'एएनआय' (ANI) ने दिलेल्या माहितीनुसार, एका अधिकाऱ्याने सांगितलं की, फॉरेन एक्स्चेंज मॅनेजमेंट ॲक्ट (FEMA) च्या उल्लंघनाप्रकरणी ईडीने आम आदमी पार्टीचे राज्यसभा खासदार आणि वरिष्ठ सभागृहातील उपनेते डॉ. अशोक कुमार मित्तल यांच्याशी संबंधित अनेक ठिकाणांवर छापेमारी केली आहे. यामुळे राजकारण तापलं आहे. 

बीजेपी ने पंजाब चुनाव की तैयारी शुरु कर दी है।

आम आदमीं पार्टी के राज्यसभा सांसद और सदन में पार्टी के उपनेता @DrAshokKMittal के यहाँ ईडी की रेड चल रही है।

क्या बीजेपी कहीं भी अपने दम पर चुनाव नहीं लड़ सकती? क्या बीजेपी जनता के बीच इतनी नकारा हो चुकी है कि उसकी सारी चुनाव…

— Anurag Dhanda (@anuragdhanda) April 15, 2026