Latest Marathi News

दुबई : इराणच्या ताब्यात असलेल्या होर्मुझच्या सामुद्रधुनीतून सुरक्षित प्रवासासाठी इराणला टोल देणाऱ्या जहाज कंपन्यांना अमेरिकेने कडक इशारा दिला आहे. अशा कंपन्यांवर अमेरिकेचे निर्बंध लादले जाऊ शकतात, असे स्पष्ट करण्यात आले आहे. अमेरिकेच्या 'ऑफिस ऑफ फॉरेन अॅसेट्स कंट्रोल' (ओएफएसी) ने शुक्रवारी प्रसिद्ध केलेल्या या सूचनेनुसार इराणकडून मागितले जाणारे हे शुल्क केवळ रोख स्वरूपातच नाही, तर इतर मार्गानी दिल्यासही कारवाई होईल. यात डिजिटल मालमत्ता (क्रिप्टो), मालमत्ता अदलाबदल, धार्मिक, चॅरिटेबल देणग्या, इराणी दूतावासांमध्ये केलेले पेमेंट आदींचा समावेश करण्यात आला आहे.नसरापूर प्रकरण: ...अखेर पोलिसांनी बळाचा वापर करून आंदोलकांना महामार्गावरून हटवले, पीडीतेचे पार्थिव वैकुंठ स्मशानभूमीत दाखलइराण सरकारकडून सुरक्षित प्रवासाची हमी मिळवण्यासाठी कोणत्याही प्रकारे पैसे देणे किंवा तशी मागणी करणे हे अमेरिकी नागरिक आणि अन्य देशांच्या व्यक्तींसाठी निर्बंधांना निमंत्रण देणारे ठरेल. पेमेंटची पद्धत कोणतीही असो, हा धोका कायम राहील, असे ओएफएसीने म्हटले आहे.आजपर्यंत ४५ टँकर माघारीअमेरिकेच्या सेंट्रल कमांडच्या माहितीनुसार, इराणची नाकेबंदी सुरू झाल्यापासून आतापर्यंत ४५ व्यापारी जहाजांना माघारी धाडण्यात आले आहे. अमेरिकेच्या नौदलाने १३ एप्रिलपासून इराणची नाकेबंदी केली आहे. यामुळे इराणचा एकही तेल टैंकर होर्मुझची सामुद्रधुनी ओलांडून शकलेला नाही. त्याने इराणचा तेल महसूल थांबला आहे.फ्लोरिडातील एका कार्यक्रमात शुक्रवारी अमेरिकेचे राष्ट्राध्यक्ष डोनाल्ड ट्रम्प यांनी क्युबावर मिश्किलपणे टीका केली.'घरी जाता जाता क्युबाला पण धडा शिकवून जाऊ'वॉशिंग्टन : इराणमधील मोहीम आटोपून परतताना अमेरिकेच १ नौदल क्युबाचा प्रश्नही निकाली काढेल, अशी मिश्किल टिप्पणी ट्रम्प यांनी केली. पाम बीचेस येथील 'फोरम क्लब' या संस्थेसमोर भाषण करताना ट्रम्प यांनी क्युबाचा उल्लेख केला.भाषणात विषयांतर करत ते म्हणाले की, इराणवरून परतताना आम्ही कदाचित 'यूएसएस अब्राहम लिंकन' हे महाकाय जहाज तिथे पाठवू. हे जहाज क्युबाच्या किनाऱ्यापासून १०० यार्ड अंतरावर उभे राहील आणि ते पाहून क्युबाचे नागरिक, आम्हाला खूप खूप धन्यवाद देत, आम्ही शरणागती पत्करण्यास तयार असल्याचे सांगतील, असे ट्रम्प म्हणाले.अमेरिका जर्मनीतून ५,००० सैन्य मागे घेणारवॉशिंग्टनः येत्या ६ ते १२ महिन्यांत अमेरिका जर्मनीतून आपले सुमारे ५,००० सैन्य मागे घेणार असल्याची घोषणा पेंटागॉनने शुक्रवारी केली.इराणसोबत सुरू असलेल्या युद्धाच्या मुद्द्यावरून जर्मनीचे चान्सलर फ्रेडरिक मर्झा आणि ट्रम्प यांच्यात झालेल्या वादानंतर ट्रम्प यांनी आपली धमकी प्रत्यक्षात आणली आहे.इराणच्या नेतृत्वाकडून अमेरिकेचा अपमान केला जात असल्याची तसेच धोरणशून्यतेवरही मर्झ यांनी ताशेरे ओढले होते.ट्रम्प यांनी फेटाळला इराणचा नवा प्रस्तावट्रम्प यांनी युद्ध संपवण्यासाठी इराणने दिलेला ताजा प्रस्ताव फेटाळून लावला आहे. व्हाइट हाऊसमध्ये पत्रकारांशी बोलताना ट्रम्प म्हणाले, त्यांना समझोता करायचा आहे, पण मी त्या प्रस्तावावर समाधानी नाही.त्यामुळे पुढे काय होते ते पाहू. तेथील नेतृत्व कमकुवत आहे; त्यांना करार करायचा आहे, पण त्यांची सर्व व्यवस्था ढासळलेली आहे. दरम्यान, इराणच्या 'इर्ना' या सरकारी वृत्तसंस्थेनुसार, इराणने आपला प्रस्ताव गुरुवारी रात्री पाकमधील मध्यस्थांकडे सुपूर्द केला होता.

मेकअपची मदत घेऊन काही काळ सुंदर दिसता येते. एका तरुणीच्या सौंदर्यावर भाळून एक जण तिच्या प्रेमातही पडला ...

बहुतेक सगळ््याच लोकांना दीर्घ आयुष्य तेही आनंदी आणि निरोगी लाभावे, असे वाटते. ...