Latest Marathi News

सचिन काकडेसातारा : प्रयत्न आणि दुर्दम्य इच्छाशक्तीच्या जोरावर माणूस काय करू शकतो, याचे जिवंत उदाहरण सातारा तालुक्यातील करंडी गावचे ६७ वर्षीय अशोक तुकाराम जाधव ऊर्फ नाना यांनी जगासमोर ठेवले आहे.कोणत्याही सरकारी मदतीची किंवा मनुष्यबळाची वाट न पाहता, त्यांनी एकट्याने डोंगर फोडून तब्बल साडेतीन किलोमीटरचा रस्ता तयार केला.त्यांच्या या अचाट कामगिरीमुळे दुर्गम कड्यावर असलेल्या श्री शिलनाथ मंदिराची पायवाट आता भाविकांसाठी सुरक्षित मार्ग बनली असून, सातारा जिल्ह्याला नवा 'दशरथ मांझी' मिळाला आहे.नानांचे बालपण याच डोंगराच्या कुशीत गेले. लहानपणी गुरे राखताना किंवा अभ्यास करताना त्यांनी या चिंचोळ्या आणि घसरड्या वाटेवरून होणारा भाविकांचा त्रास पाहिला होता.हीच सल त्यांच्या मनात होती. याच ओढीतून २०२२ मध्ये त्यांनी दुर्गम वाटेला रस्त्याचे स्वरूप देण्याचा विडा उचलला.'टायगर' होता सोबती◼️ नाना डोंगरावर कामाला जायचे, तेव्हा एक भटका कुत्रा त्यांच्यासोबत असायचा. नानांनी त्याचे नाव 'टायगर' ठेवले होते.◼️ नाना काम करत असताना हा 'टायगर' साहित्याची राखण करायचा.◼️ या चार वर्षांच्या प्रवासात नानांना चार वेळा प्रत्यक्ष बिबट्याचे दर्शन झाले, तरीही त्यांनी काम थांबवले नाही.◼️ दुर्दैवाने, एके दिवशी बिबट्याने 'टायगर'चा फडशा पाडला आणि नानांचा एकनिष्ठ सोबती हिरावला गेला.◼️ तरीही बिबट्याच्या दहशतीला न जुमानता नानांनी डोंगरातून 'मार्ग' काढला.◼️ 'मांझी: द माउंटन मॅन' या चित्रपटातील 'दशरथ मांझी' यांच्या कथेप्रमाणेच नानांचा हा प्रवास प्रेरणादायी असाच आहे.भक्तीच्या वाटेत खडकांचे अडथळे नकोत, याच ध्येयाने पहार हाती घेतली. चार वर्षे परिश्रम करून दोन मीटर रुंद, साडेतीन कि.मी लांब रस्ता तयार केला. ग्रामस्थ आनंदाने या रस्त्यावरून चालतात, तेव्हा माझ्या श्रमांचे सार्थक झाले असे वाटते. - अशोक जाधव, करंडी, साताराअधिक वाचा: जगातील सर्वांत महागडा जपानमधील मियाझाकी आंबा फुलतोय सांगलीतील 'या' शेतकऱ्याच्या शेतात

या अभिनेत्रीने अनेक चित्रपटांमध्ये काम केले असून तिचा नुकताच प्रदर्शित झालेला चित्रपट चांगलाच गाजला होता. ...

मराठी सिनेसृष्टीतील हे कलाकार आहेत खऱ्या आयुष्यातील बेस्ट फ्रेंड्स ...

रेल्वे सेवा ठप्प; खारघर, ठाण्यातील विविध घटनांमध्ये आठ जणांचा मृत्यू ...

अनेक धरणांतून पाण्याचा विसर्ग; अनेक भागांत सतर्कतेच्या सूचना ...

भारत आणि पाकिस्तान यांच्यातील मतभेदाच्या पार्श्वभूमीवर जाधव आणि भारतीय अधिकाऱ्यांची चर्चा होऊ शकलेली नाही. ...

भाजीपाला, अन्नधान्य, पेट्रोलसाठी रांगा, एटीएममधून पैसे काढण्यासाठी गर्दी ...

वाहनक्षेत्रात मंदी; काम घटल्याने सहायक उत्पादने बनविणारे उद्योग संकटात ...

महालक्ष्मी एक्स्प्रेसचा अनुभव लक्षात घेऊन कुर्ला-सायन दरम्यान थांबविली लोकल ...

सकाळी जोर पकडलेल्या पावसाने दुपारी दोनपर्यंत आपला मारा कायम ठेवला ...

पावसाने जोरदार हजेरी लावल्याने काही ठिकाणी रस्ते वाहतूक ठप्प ...