Latest Marathi News

पंतप्रधान नरेंद्र मोदी हे आज कर्नाटकच्या दौऱ्यावर होते. या दौऱ्यादरम्यान,बंगळुरूच्या बाहेरील भागात पंतप्रधान नरेंद्र मोदी यांच्या नियोजित कार्यक्रम स्थळापासून जवळच स्फोटके सापडल्याने खळबळ उडाली आहे. त्यामुळे कार्यक्रमाला सुरुवात होण्यापूर्वी सुरक्षा दलांना खबरदारी घ्यावी लागली.पंतप्रधान नरेंद्र मोदींचा कार्यक्रम नियोजित असलेल्या ठिकाणापासून जवळच दोन जिलेटिनच्या कांड्या सापडल्या. या जिलेटिनच्या कांड्या कागलीपुराजवळील एका आश्रमाजवळच्या फुटपाथवर सापडल्या. या ठिकाणापासून मोदींच्या सभेचं ठिकाण हे तीन किलोमीटर अंतरावर होते. जिलेटिनच्या कांड्या सापडल्यानंतर सुरक्षा दलांमध्ये खळबळ उडाली. त्यानंतर संपूर्ण परिसराला घेराव घालून शोधमोहीम हाती घेण्यात आली.पोलिसांनी दिलेल्या माहितीनुसार, रविवारी सकाळी पंतप्रधान नरेंद्र मोदी यांच्या आगमनापूर्वी नियमित सुरक्षा तपासणीदरम्यान, संशयास्पद साहित्य सापडलं. शोधमोहिमेदरम्यान, फुटपाथच्या शेजारी जिलेटिनच्या दोन कांड्या सापडल्या. त्यानंतर बॉम्बनाशक पथक आणि फॉरेन्सिक पथकाला घटनास्थळी पाचारण करण्यात आले. संपूर्ण परिसरात शोधमोहीम सुरू करण्यात आली. तसेच सुरक्षा व्यवस्थाही आणखी कडेकोट करण्यात आली.या घटनेनंतर पोलिसांनी सखोल तपासाला सुरुवात केली आहे. तसेच एका संशयिताला ताब्यात घेण्यात आले असून, त्याची सखोल चौकशी केली जात आहे. तसेच या जिलेटिनच्या कांड्या तिथे कशा आल्या. यामागे कुठलंही कटकारस्थान तर नाही ना, याचाही शोध घेतला जात आहे.

Ration Vatap : यामुळे लाभार्थ्यांना पुढील दोन महिने धान्य घेण्यासाठी रेशन दुकानदारांकडे जाण्याची गरज भासणार नाही. ...

चिन्मयी नेहमीच तिचे विचार बिनधास्तपणे मांडताना दिसते. वेगवेगळ्या मुद्द्यांवर अगदी मुद्देसूद बोलताना दिसते. ...

What Foods Should You Eat at What Time : जेवणापूर्वी अर्धा तास किंवा जेवणानंतर एक तासानं पाणी प्यावे. ...

Volkswagen Taigun:कारमध्ये आधुनिक 8-स्पीड ऑटोमॅटिक गिअरबॉक्स मिळेल. ...

कोण आहे ही अभिनेत्री? नेमकं काय आहे चहलसंदर्भात गाजत असलेले फिल्डबाहेरील नवे प्रकरण? जाणून घेऊया सविस्तर ...