Nepal Plane Fire: नेपाळमध्ये काळ आला होता, पण वेळ आली नव्हती! लँडिंग दरम्यान विमानाच्या टायरला आग; २८९ प्रवाशांचे प्राण थोडक्यात वाचले

काठमांडूच्या त्रिभुवन आंतरराष्ट्रीय विमानतळावर उतरत असताना तुर्की एअरलाइन्सच्या विमानाच्या टायरला आग लागली. आगीवर नियंत्रण मिळवण्यात आले आहे.

Nepal Plane Fire:  काठमांडूच्या त्रिभुवन आंतरराष्ट्रीय विमानतळावर उतरताना तुर्कीश एअरलाइन्सच्या विमानाच्या टायरला आग लागली. आग आटोक्यात आली असून सर्व प्रवाशांना सुरक्षितपणे बाहेर काढण्यात आले आहे.

"तुर्कीश एअरलाइन्सचे विमान टीके ७२६ इस्तंबूलहून काठमांडूला येत होते आणि उतरताना त्याच्या टायरला आग लागली. अग्निशमन दलाच्या गाड्यांच्या मदतीने आगीवर नियंत्रण मिळवण्यात आले. सर्व प्रवाशांना सुरक्षितपणे बाहेर काढण्यात आले आहे, अशी माहिती विमानतळ सुरक्षा विभागाचे विशेष अधीक्षक, राजकुमार सिलवाल यांनी दिली.

Keralam CM: केरळचे मुख्यमंत्रिपद कोणाला मिळणार, महाराष्ट्राचे प्रभारी चेन्निथलांसह तीन नेत्यांच्या नावांची चर्चा

विमानात २७८ प्रवासी 

मिळालेल्या माहितीनुसार, विमानात एकूण २७८ प्रवासी आणि ११ कर्मचारी होते. प्रवाशांमध्ये संयुक्त राष्ट्रांचे काही अधिकारी होते.

सोशल मीडियावर फिरत असलेल्या एका व्हिडिओमध्ये विमानाच्या उजव्या बाजूच्या लँडिंग गिअरला आग लागलेली दिसत आहे आणि जमिनीवरून धुराचे लोट बाहेर पडत आहेत. आपत्कालीन दरवाजांमधून प्रवाशांना बाहेर काढण्यात आले. या घटनेबाबत विमानतळ किंवा विमान कंपनीकडून कोणतेही अधिकृत निवेदन किंवा घोषणा करण्यात आलेली नाही.