Latest Marathi News

लोकमत न्यूज नेटवर्कवलनी (जि. भंडारा): शतकानुशतके इतिहासाच्या खुणा आपल्या कुशीत जपणाऱ्या वैनगंगा नदीने पुन्हा एकदा भूतकाळाचे दार उघडले आहे. पवनी तालुक्यातील वलनी येथे नदीच्या वाळूत प्राचीन आणि दुर्मीळ पाषाण मूर्ती आढळून आल्याने इतिहासप्रेमी व नागरिकांमध्ये उत्सुकता निर्माण झाली आहे. या कलाकृतीमुळे परिसराच्या ऐतिहासिक वारशाविषयी नव्याने चर्चा रंगू लागली आहे. यापूर्वीसुद्धा जानेवारी महिन्यात याच नदीपात्रात भग्नावस्थेतील एक मूर्ती सापडली होती.पाणी ओसरल्याने आणि वाळू उपशामुळे वलनी येथील वैनगंगा नदीच्या पात्राचा काही भाग उघडा पडला होता. यादरम्यान, काही स्थानिक नागरिकांना वाळूमध्ये एक कोरीव पाषाण दिसला. कुतूहलापोटी तो बाहेर काढला असता, त्यावर एका योद्ध्याची किंवा देवतेची रेखीव मुद्रा कोरली असल्याचे आढळून आले. सापडलेली मूर्ती एका मोठ्या अखंड पाषाणखंडावर कोरलेली आहे. ही आकृती एका विशिष्ट 'वीर' मुद्रेत असून, एका हातात शस्त्र (कदाचित ढाल किंवा तलवारसदृश वस्तू) धारण केल्याचे दिसून येते. मूर्तीची ठेवण आणि त्यावरील कोरीव काम हे प्राचीन भारतीय शिल्पकलेचा नमुना असल्याचे प्राथमिकदृष्ट्या दिसते. पवनी तालुका हा मुळातच ऐतिहासिक वारसा लाभलेला भाग आहे. येथे अनेकदा मौर्यकालीन आणि सातवाहनकालीन अवशेष सापडलेले आहेत. त्यामुळे ही मूर्तीदेखील त्याच काळातील किंवा मध्ययुगीन काळातील असण्याची शक्यता वर्तविण्यात येत आहे. मूर्तीचे शास्त्रीय परीक्षण आवश्यकपवनीचा समृद्ध असा एक इतिहास आहे. वैनगंगा नदीच्या काठी अशा अनेक ऐतिहासिक खाणाखुणा दडलेल्या आहेत. या मूर्तीचे शास्त्रीय परीक्षण केल्यास ती कोणत्या काळातील आहे आणि तिचा ऐतिहासिक संदर्भ काय आहे, हे स्पष्ट होऊ शकेल. सध्या ही मूर्ती सुरक्षित स्थळी ठेवण्यात आली असून, यातून कोणता नवा इतिहास उजेडात येतो, याकडे संपूर्ण तालुक्याचे लक्ष लागले आहे.

काही महिन्यांपूर्वी ते करूळ येथील माध्यमिक विद्यालयात बदलीने रुजू झाले होते. ते मनमिळावू स्वभावाचे होते ...

Maharashtra Political Crisis: शहरातील काही नेते पक्ष संपवण्याचे षडयंत्र रचत असल्याचा आरोप करण्यात आल्याचे सांगितले जात आहे. ...

नाशिकमधील शिवसेना खासदार हेमंत गोडसे यांच्या कार्यालयाजवळ सकाळी मोठा पोलीस बंदोबस्त तैनात करण्यात आला आहे. ...

घटनेची माहिती मिळताच हडपसर पोलीस घटनास्थळी दाखल झाले असून पुढील तपास सुरु ...

अमेरिकेतील हवाई बेटे आणि कोना सर्फ येतील हे व्हिडीओ सोशल मिडीयावर कमालीचे व्हायरल होत आहेत. ...