Latest Marathi News

कोल्हापूर : ऐतिहासिक रंकाळा तलावात अत्याधुनिक लाइट इफेक्टसह म्युझिक फाउंटनचे (संगीत कारंजा) काम सुरू करण्यात आले आहे. राज्य सरकारच्या नगरविकास विभागाने यासाठी ५ कोटी रुपयांचा निधी २०२४ मध्ये मंजूर केला होता. मात्र, अनेक कारणांनी हे काम रखडले होते. अखेर या कामाला दोन दिवसांपासून सुरुवात करण्यात आली आहे. जूनपर्यंत हे काम पूर्ण करण्यात येणार आहे.रंकाळ्याला मोठा ऐतिहासिक वारसा लाभला असून कोल्हापुरात येणारा प्रत्येक नागरिक रंकाळ्यावर फेरफटका मारल्याशिवाय परतत नाही. त्यामुळे शासनाकडून रंकाळ्याच्या सुशोभिकरणासाठी आणि संवर्धन करण्यासाठी विशेष प्रयत्न केले जात आहेत. त्याअंतर्गतच परदेशातील धर्तीवर हे म्युझिक फाउंटन उभारण्यात येत आहे. सध्या याचा सांगाडा उभारण्याचे काम सुरू आहे. तो उभारल्यानंतर रंकाळ्याच्या मध्यभागी तो ठेवण्यात येईल. विद्युतीकरणाचे काम पूर्ण झाल्यानंतर जूनमध्ये हे म्युझिक फाउंटन सुरू करण्यात येईल.सुवर्ण इतिहासाची छाया प्रतिबिंबित होणाररंकाळा तलावाच्या मध्यभागी ५० मीटर परिघाची आकर्षक विद्युत रोशणाई आणि त्यासोबतच ध्वनी प्रणाली असणारे पाण्याचे कारंजे बसवण्यात येणार आहेत. यामध्ये विविध आकाराचे संगीत फवाऱ्यासह विशेषतः कोल्हापूरच्या सुवर्ण इतिहासाचे छाया प्रतिबिंब या संगीताच्या माध्यमातून दाखवण्यात येणार आहे.असे असेल म्युझिक फाउंटनम्युझिक फाउंटनच्या कारंजाची लांबी २४ मीटर इतकी असणार असून, १५ मीटरपर्यंत कारंजाचे पाणी उडेल. या कारंजाच्या माध्यमातून कोल्हापूरचा ऐतिहासिक ठेवा प्रतिबिंबित होणार आहे. यामध्ये छत्रपती शिवाजी महाराज, अंबाबाई मंदिर, छत्रपती शाहू महाराज यांच्यासह देवदेवता व महामानवांच्या प्रतिमा लाइट इफेक्टच्या माध्यमातून साकारल्या जातील.पर्यटनात भररंकाळा टॉवरपासून जवळच हे म्युझिक फाउंटन उभारण्यात येत आहे. या म्युझिक फाउंटनमुळे कोल्हापूरच्या पर्यटनात भर पडणार आहे. रंकाळ्यावर रोज हजारो पर्यटक भेट देतात. विद्युत रोशणाईने रंकाळा उजाळला आहेच. मात्र, म्युझिक फाउंटनमुळे त्यात आणखी भर पडणार आहे.

सहा संशयित आरोपींना अटक ...

Rahul Dravid, IPL 2025: टीम इंडियाच्या वर्ल्डकप विजयासोबतच राहुल द्रविडचा मुख्य प्रशिक्षकपदाचा कार्यकाळ संपला ...

Bhandara : पुयार येथील जिल्हा परिषद शाळेतील दुर्दैवी घटना ...