Chandrapur Marathi News | चंद्रपूर मराठी बातम्या | Latest Chandrapur News in Marathi | चंद्रपूर ताज्या बातम्या | Chandrapur Crime Marathi News | चंद्रपूर ब्रेकिंग न्यूज़| Breaking & Live Chandrapur News | Chandrapur Local News Update| Today's Chandrapur News paper

नागभीड : नागभीड नगर परिषद झाल्यापासून नागभीड शहराची वाढ झपाट्याने होत आहे. वाढत्या शहराची गरज लक्षात घेऊन नगर परिषदेने ओपन जिम व छोट्या बगिच्यांच्या निर्मितीकडे प्राधान्याने लक्ष द्यावे, अशी मागणी आता होऊ लागली आहे.गेल्या काही वर्षात शहराच्या भोवती अनेक वसाहती निर्माण झाल्या आहेत. यात समता कॉलनी, वसुंधरा नगर, लक्ष्मी नगर,पटवारी ले - आऊट, सम्राट अशोक नगर, प्रगती नगर,विद्या नगर, आदर्श कॉलनी, मुसाभाई नगर, लालाजी नगर, फ्रेंडस् काँलनी, सुंदर नगरी, सिद्धी विनायक, अशा अनेक वसाहतींचा यात समावेश आहे. अनेक वसाहती निर्माण होत आहेत. काही वसाहती निर्मानाधीन आहेत.नागभीड शहर नागपूर, भंडारा, गडचिरोली व चंद्रपूर या जिल्हा स्थळांना मध्यवर्ती असल्याने अनेक चाकरनामे नागभीडला आता पसंती द्यायला लागले असून येथील वसाहतीमधील भूखंडांची विक्रीही जलदगतीने होत आहे. अनेक टोलेजंग इमारती व बंगले या वसाहतींमध्ये उभे होत असले आणि लोकसंख्येत दिवसेंदिवस वाढ होत असली तरी या वसाहतीमध्ये अद्यापही ओपन जिम व बगिच्याची निर्मिती करण्यात आली नाही. गेल्या काही वर्षात निवृत्त होणाऱ्यांची संख्या वाढत असल्याने शहरात जेष्ठ नागरिकांची भर पडत आहे. या जेष्ठ नागरिकांना वेळ कुठे आणि कसा घालवावा, असा प्रश्न भेडसावत आहे. शहरात एखाद्या बगिच्याची निर्मिती झाल्यास जेष्ठ नागरिकांसमोर निर्माण होत असलेल्या समस्येचे सहज निराकरण होऊ शकते. याच बगिच्यांमध्ये ओपन जिमच्या माध्यमातून व्यायामाची साधने उपलब्ध करून दिल्यास मुले व तरुणांनाही दिलासा मिळू शकतो.बॉक्स२० मोकळे भूखंडवसाहतीच्या नियमानुसार प्रत्येक वसाहतीत ‘ओपन स्पेस’ म्हणून मोकळे भूखंड ठेवण्यात आले आहेत. शहरात अशा मोकळ्या भूखंडांची संख्या २० च्या आसपास असल्याची माहिती आहे. यातील काही मोठ्या भूखंडावर ओपन जीम व बगिच्याची निर्मिती करण्यात आल्यास ते सर्वांना सोयीचे ठरू शकते. नागभीड नगर परिषदेने गेल्या तीन चार वर्षात ३८ कोटी रुपये किमतीची पाणीपुरवठा योजना, अंतर्गत रस्ते व बाजाराच्या विकासासाठी व इतर अनेक कामासाठी मोठा निधी मंजूर करून आणला आहे. असाच बगिच्याच्या निर्मितीकरिता निधीसाठी शासनाकडे साकडे घालावेत अशा प्रतिक्रिया व्यक्त होत आहेत.बॉक्सरेल्वेच्या बालउद्यानातही सुविधांचा अभावयेथील रेल्वे विभागाने बालउद्यानाची निर्मिती केली असली तरी या बालउद्यानात सुविधांचा अभाव आहे. येथे उपलब्ध असलेल्या काही साधनांवर रेल्वे परिसरात वास्तव्यास असलेली मुले समाधान मानून घेत आहे. रेल्वेस या उद्यानाचा विकास करण्यास अनेक संधी आहेत. मात्र रेल्वेचेही या उद्यानाकडे दुर्लक्ष आहे.कोटओपन जिमसंदर्भात जिल्हा क्रीडा अधिकारी यांच्याकडे प्रस्ताव पाठविला आहे. हे जिम प्रत्येक प्रभागात प्रस्तावित करण्यात आले आहेत. याच ओपन जिममध्ये झाडे व इतर सुविधांची निर्मिती करून बगिचे निर्माण करण्याचा प्रयत्न आहे.- गणेश तर्वेकर, उपाध्यक्ष, न.प. नागभीड

Chandrapur (Marathi News)