Vardha News | Latest Vardha News in Marathi | Vardha Local News Updates | ताज्या बातम्या वर्धा | वर्धा समाचार | Vardha Newspaper

२३ जणांची अटक व सुटका : तारासावंगात एक महिन्यापासून ब्रेकडाऊनलोकमत न्यूज नेटवर्कआष्टी (श.) : तारासावंगा येथील वीज पुरवठा एक महिन्यापासून अनियमीत होता. महावितरणला वारंवार सांगूनही दुर्लक्ष केले जात होते. परिणामी, संतप्त ग्रामस्थांनी शनिवारी रात्री ९ वाजता साहुर कार्यालयावर धडक दिली. अभियंता व कर्मचारी नसल्याने थेट रस्तारोको आंदोलन सुरू केले. याबाबत माहिती मिळताच पोलिसांनी आंदेलन स्थळ गाठत २३ जणांना अटक करीत सुटका केली. यामुळे तणाव निर्माण झाला होता.तारासावंगा हे तालुक्याचे शेवटचे गाव असून २८ किमी अंतरावर आहे. गावात कुठल्याच सुविधा नाही. वीज वितरण कंपनीचा भोंगळ कारभार त्यात भर घालत आहे. विद्युत तारा तुटल्या, इन्सुलेटर फुटले असून दुरुस्ती केली जात नाही. याबाबत सरपंच रत्नपाल पाटील यांनी वारंवार कार्यकारी अभियंत्यांना निवेदने दिली; पण दुर्लक्ष करण्यात आले. यामुळे ब्रेकडाऊन झाले होते. परिणामी, महावितरण लक्ष देत नसल्याचा आरोप करीत ग्रामस्थांनी सरपंच पाटील यांच्यासह साहुर येथील विद्युत कार्यालय गाठले. अभियंता हजर नसल्याने वरिष्ठांना माहिती देण्यात आली. वीज पुरवठा सुरू झाल्याशिवाय कार्यालयातून जाणार नाही, अशी भूमिका ग्रामस्थांनी घेतली; पण अभियंता आलेच नाही.अखेर ग्रामस्थांनी राष्ट्रीय महामार्गावर रस्तारोको आंदोलन सुरू केले. एक तासातच वाहनांच्या रांगा लागल्या होत्या. याबाबत माहिती मिळताच पोलीस जमादार खांडरे, पिसे, बावणे, रघाटाटे आंदोलनस्थळी दाखल झाले. यावेळी २३ आंदोलकांना कलम ६८ नुसार अटक करून काही वेळाने कलम ६९ नुसार सुटका करण्यात आली. यामुळे तणाव निर्माण झाला होता. रस्तारोको आंदोलनात सरपंच रत्नपाल पाटील, योगेश तुमडाम, सतीश निपाणी, विनोद कावळे, विलास पाटणकर, संजय सुरजूसे, विक्की कावळे, चेतन इंगळे, किरण ठोंबरे, पंकज कावळे व ग्रामस्थ सहभागी होते.

Vardha (Marathi News)

तालुक्यात एकमेव असलेल्या कृषिचिकित्सालय व शेतकरी प्रशिक्षण केंद्राला अखेरची घरघर लागली आहे. ...

शासनाने अल्पभूधारक व मध्यम शेती असलेल्या शेतकऱ्यांची कर्जमाफी केली तर संपूर्ण कर्जमाफी तत्त्वत: मान्य केली. ...

राज्यातल्या कापूस उत्पादनापैकी विदर्भात जवळजवळ ७८ टक्के कापूस उत्पन्न होतो. ...

नाफेडनंतर शासनासाठी महाराष्ट्र राज्य पणन महासंघ राज्यात तूर खरेदी करीत आहे; पण यात गोंधळाची स्थिती असल्याने .... ...

गावातील मुख्य रस्ता व पालखी दिंडी मार्ग म्हणून ओळख असलेल्या सिमेंट रस्त्याची सध्या दैनावस्था झाली आहे. ...

शेतीचा हंगाम सुरू झाला असून शेती साहित्याची डागडुजी, अवजार तयार करण्याच्या कामाला वेग आला आहे. ...

तालुक्यातील धानोली (मेघे) येथे विविध समस्यांनी कळस गाठला असताना ग्रामपंचायतीचे याकडे दुर्लक्ष होत आहे. ...

तारासावंगा येथील वीज पुरवठा एक महिन्यापासून अनियमीत होता. महावितरणला वारंवार सांगूनही दुर्लक्ष केले जात होते. ...