Solapur Marathi News | सोलापूर मराठी बातम्या | Latest Solapur News in Marathi | सोलापूर ताज्या बातम्या | Solapur Crime Marathi News | सोलापूर ब्रेकिंग न्यूज़| Breaking & Live Solapur News | Solapur Local News Update| Today's Solapur News paper

सोलापूर : एखाद्याला एखादी वस्तू क्षुल्लक वाटत असते, तर एखाद्याच्या आयुष्यात त्या वस्तूची किंमत ही जिवापेक्षा जास्त असते. शहाजी कांबळे या तरुणाच्या आयुष्यात अतिशय महत्त्वाची असलेली त्याची दुचाकी चोरीला गेली. आधीच आर्थिक संकटात असलेल्या या हळव्या तरुणाने चोराला शिव्या न देता, गाडीला जास्त त्रास देऊ नको, कधी रस्त्यात दिसली, तर एकदा माझ्याकडे वळून बघू दे, अशी विनंती सोशल मीडियावर केली.शहाजी कांबळे हा तरुण सलगर वस्ती येथे राहतो. २०१२ मध्ये त्याने दुचाकी सेकंड हँड घेतली होती. ८ मार्च रोजी रात्री तो काळजापूर मारुती येथे पत्नीसह दर्शनासाठी आला होता. दर्शन झाल्यानंतर बाहेर आला, पाहतो तर काय? दुचाकी चोरीला गेली. कुणीतरी चुकून नेली असेल, असे वाटले. म्हणून, वाट पाहिली. पण, गाडी परत घेऊन कुणी आले नाही.वाट पाहून शेवटी त्यांनी घरी जाण्याचा निर्णय घेतला. पण, खिशात फक्त ५० रुपये असल्याने रिक्षा करता येणे शक्य नव्हते. म्हणून, आईसक्रीम खात काळजापूर मारुती मंदिर ते सलगर वस्तीपर्यंत चालत गेले.तिने माफ करावंमाझ्याकडून तिची सेवा झाली नाही, तिने मला माफ करावं. चोरट्याला विनंती आहे की, तिला जास्त त्रास देऊ नये. ती खूप प्रामाणिक आहे. तिची काळजी घ्यावी. कधी मला ओळखलंच, तर तिला एकदा माझ्याकडे वळून बघू द्या. एकांतात केलेल्या प्रवासाची आठवण तिला होऊ द्या.चोरीला गेलेल्या दुचाकीने अनेक अडचणीत साथ दिली होती. आता ती नसल्यामुळे खूप त्रास होत आहे. अजून तरी पोलिसात तक्रार दिली नाही. मी शासकीय तंत्रनिकेतन येथे कंत्राटी पद्धतीने कामाला असून, रोज रिक्षाने येण्या-जाण्यासाठी २०० रुपयांचा खर्च होत आहे.शहाजी कांबळे, तरुण कवीया शब्दात मांडल्या भावनागाडी गेली याचं दुःख नाही, पण गाडीने माझ्यासोबत लय दुःख भोगलं. माझ्या सर्व दुःखात तिने खांद्याला खांदा लावून साथ दिली. कधी धोका नाही दिला. कधी ऐनवेळी पंक्चर झाली नाही. माझ्याकडून सव्र्व्हिसिंग करायची राहून गेली. प्रत्येकवेळी म्हणणार पगार झाल्यावर करू, पुढच्या पगारीला करू, पण तिची सेवा करायची संधी मिळाली नाही. तिने खूप समजून घेतलं मला, माझ्या परिस्थितीला. मी कुठं जाऊन फिरत होतो. कुठं जाऊन रडत होतो, कुणासाठी रडत होतो, तिला सगळं माहीत आहे. पण, ती बोलली नाही.

Solapur (Marathi News)

मोहन निंबाळकर यांना सोलापूर कृषी उत्पन्न बाजार समितीच्या प्रशासक पदावरून हटविण्यात आले होते ...

बार्शी कोर्टात आरोपींना हजर केले असता त्यांना २६ मार्चपर्यंत पोलीस कोठडी सुनावण्यात आली आहे ...

जिल्हा सत्र न्यायालयाने त्या महिलेला दोन दिवसांची पोलिस कोठडी सुनावली. ...

मागील संचालक मंडळाने केलेल्या गैरकृत्यांना या संचालक मंडळाला जबाबदार धरता येणार नाही, असे म्हटले आहे. ...

जखमी तरुणावर रुग्णालयात उपचार करण्यात आले आहेत. ...

या घटनेनंतर पोलिसांनी आरोपीच्या तपासासाठी श्वानपथक घटनास्थळी आणून आरोपीचा शोध घेण्याचा प्रयत्न केला. ...

शाळा, ट्यूशन व घरासमोर लावलेल्या सायकली तो चोरत होता. सायकली चोरून तो कमी किमतीमध्ये विकत असे. ...

मंत्री जयकुमार गोरे यांनी टोलेबाजी करत त्यांच्यावर झालेल्या आरोपांना जोरदार प्रत्युत्तर दिलं. ...

सोशल मीडियावर भावना व्यक्त : सव्हिंसिंग राहून गेलं ...