मिरज : मिरज-सांगली रोडवर मध्यरात्री समोर आलेल्या कुत्र्याला वाचविण्याच्या प्रयत्नात चारचाकीवरील नियंत्रण सुटल्याने भीषण अपघातातसांगलीतील तरुणाचा मृत्यू झाला तर यामध्ये एक जण जखमी झाला. ही घटना रविवार, (दि.१९) मध्यरात्री अडीच वाजता घडली.विश्वजीत दिलीप नाईक (वय २१, रा. डी-मार्ट पाठीमागे, सांगली) असे मृताचे नाव आहे. कारचालक नाईक मध्यरात्री भरधाव वेगात सांगलीला जात होते. यावेळी अचानक समोर आलेल्या कुत्र्याला वाचविण्याच्या प्रयत्नात कारवरील नियंत्रण सुटून रस्त्याकडेला असलेल्या जाहिरात फलकाच्या लोखंडी अँगलला धडकली. या धडकेत विश्वजीतचा मृत्यू झाला, तर गाडीत बसलेला एक जण जखमी झाला. या अपघातात वाहनाचेही मोठे नुकसान झाले. या घटनेची माहिती महात्मा गांधी चौक पोलिस ठाण्यात योगेश भालचंद्र सूर्यवंशी (रा. विठ्ठल नगर, सांगली) यांनी दिली. घटनेची माहिती मिळताच सपोनि संदीप शिंदे यांनी घटनास्थळी भेट दिली.
Web Summary : A young man from Sangli died in a tragic accident near Miraj while trying to save a dog. The car crashed into a roadside billboard after losing control, also injuring another person. Police are investigating.
Web Summary : सांगली के पास मिरज में कुत्ते को बचाने की कोशिश में एक युवक की दर्दनाक मौत हो गई। नियंत्रण खोने के बाद कार सड़क किनारे होर्डिंग से टकरा गई, जिसमें एक अन्य व्यक्ति घायल हो गया। पुलिस जांच कर रही है।