Mutual Fund Redemption Rules: इक्विटी म्युच्युअल फंडातगुंतवणूक करणं हा सध्याच्या काळात संपत्ती निर्मितीचा सर्वात लोकप्रिय मार्ग बनला आहे. पण तुम्हाला माहीत आहे का, की जेव्हा तुम्ही तुमचे पैसे काढता, तेव्हा तुम्ही किती नफा कमावला हे आयकर विभाग कसं ठरवतो? याच ठिकाणी FIFO (First In, First Out) नियम कामाला येतो. हा नियम केवळ तुमच्या कराची गणना करत नाही, तर योग्य नियोजनाद्वारे तुमचे हजारो रुपये देखील वाचवू शकतो.
काय आहे FIFO नियम?
म्यूचुअल फंड क्षेत्रात FIFO चा सरळ अर्थ असा आहे की, जेव्हा तुम्ही एखाद्या फंडाचे युनिट्स वेगवेगळ्या तारखांना खरेदी करता (उदा. SIP द्वारे) आणि नंतर त्यातील काही भाग विकता, तेव्हा कराच्या गणनेसाठी असं मानलं जातं की तुम्ही सर्वात आधी खरेदी केलेले युनिट्सच विकले आहेत. उदाहरणार्थ, जर तुम्ही जानेवारी आणि फेब्रुवारीमध्ये युनिट्स खरेदी केले असतील आणि मार्चमध्ये काही भाग विकला, तर असं मानले जाईल की जानेवारीतील युनिट्स आधी विकले गेलेत.
आज सोन्या-चांदीच्या दरात बदल; पटापट चेक करा तुमच्या शहरातील २४K, २२K आणि १८K Gold चे नवे दर
कर बचतीमध्ये FIFO ची भूमिका
इक्विटी फंडावरील कर तुम्ही युनिट्स किती काळ तुमच्याकडे ठेवले आहेत यावर अवलंबून असतो.
- STCG (शॉर्ट टर्म कॅपिटल गेन): १२ महिन्यांच्या आत युनिट्स विकल्यास नफ्यावर २०% कर लागतो.
- LTCG (लाँग टर्म कॅपिटल गेन): १२ महिने पूर्ण झाल्यानंतर युनिट्स विकल्यास ₹१.२५ लाखांपेक्षा जास्त नफ्यावर १२.५% कर लागतो.
FIFO मुळे तुमचे जुने युनिट्स आधी विकले जातात, ज्यामुळे ते 'लाँग टर्म' होण्याची शक्यता वाढते आणि तुम्ही ₹१.२५ लाखांपर्यंतच्या कर सवलतीचा लाभ घेऊ शकता.
SIP गुंतवणूकदारांसाठी हे का महत्त्वाचं?
SIP गुंतवणूकदार दरमहा नवीन युनिट्स खरेदी करतात, ज्यांचे NAV आणि तारीख वेगळी असते. जेव्हा तुम्ही पैसे काढता, तेव्हा FIFO नियम ही स्पष्टता देतो की कोणत्या युनिट्सवर LTCG लागू होईल आणि कोणत्या युनिट्सवर STCG. जर तुम्ही तुमच्या पैसे काढण्याच्या प्रक्रियेचं योग्य नियोजन केलं आणि फक्त अशाच युनिट्सची विक्री केली ज्यांना खरेदी करून एक वर्षापेक्षा जास्त काळ झाला आहे, तर तुम्ही तुमचा कराचा बोजा मोठ्या प्रमाणात कमी करू शकता.
(टीप - यामध्ये सामान्य माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)
Web Summary : FIFO in mutual funds assumes first-bought units are sold first, impacting capital gains tax. Long-term gains (held over 12 months) offer tax benefits up to ₹1.25 lakhs. SIP investors can reduce tax burden by selling older units.
Web Summary : म्यूचुअल फंड में FIFO का मतलब है पहले खरीदे गए यूनिट पहले बेचे जाते हैं, जिससे पूंजीगत लाभ कर प्रभावित होता है। दीर्घकालिक लाभ (12 महीने से अधिक) ₹1.25 लाख तक कर लाभ प्रदान करते हैं। SIP निवेशक पुराने यूनिट बेचकर कर का बोझ कम कर सकते हैं।