Sangli Marathi News | सांगली मराठी बातम्या | Latest Sangli News in Marathi | सांगली ताज्या बातम्या | Sangli Crime Marathi News | सांगली ब्रेकिंग न्यूज़| Breaking & Live Sangli News | Sangli Local News Update| Today's Sangli News paper

जत : उमदी (ता. जत) येथील शेतकऱ्याने कर्जाला कंटाळून विषारी द्रव्य पिऊन आत्महत्या केली. भगवंत दुंडाप्पा तेली-मेडीदार (वय ५०, रा. विठ्ठलवाडी, उमदी) असे मृत शेतकऱ्याचे नाव आहे. याप्रकरणी उमदी पोलिसात अद्याप गुन्हा दाखल करण्यात आलेला नाही.भगवंत तेली यांची सहा एकर जिरायत शेतजमीन आहे. बॅँक आॅफ इंडियाच्या उमदीतील शाखेतून दोन लाखाचे पीककर्ज घेऊन त्यांनी एक एकर डाळिंब बाग केली आहे. मात्र कमी पावसामुळे बाग वाया गेली. पाणीटंचाईवर मात करण्यासाठी त्यांनी दोघा खासगी सावकारांकडून प्रत्येकी दोन लाखाचे कर्ज घेऊन शेतात चार कूपनलिका खोदल्या होत्या. तथापि, त्यांनाही पाणी लागले नाही. या चार लाख रुपये कर्जाच्या मोबदल्यात त्यांनी दोघा सावकारांना प्रत्येकी दोन एकर याप्रमाणे चार एकर शेतजमीन लिहून दिली आहे.डाळिंब बागेतून झालेले आर्थिक नुकसान आणि वाया गेलेल्या कूपनलिका यामुळे कर्जाची फेड कशी करायची, या विवंचनेत ते होते. त्यात त्यांनी बुधवारी रात्री आठ वाजता विषारी द्रव्य प्राशन केले. घरातील लोकांना ते समजल्यानंतर त्यांनी भगवंत तेली यांना जतमधील खासगी रुग्णालयात दाखल केले. मात्र गुरुवारी प्रकृती गंभीर )बनल्यामुळे त्यांना सायंकाळी पाच वाजता मिरजेतील शासकीय रुग्णालयात नेण्यात आले. उपचार सुरू असताना रात्री आठ वाजता त्यांचा मृत्यू झाला.भगवंत तेली यांच्या पश्चात पत्नी, मुलगी, दोन मुले असा परिवार आहे. तीन महिन्यांपूर्वीच त्यांच्या मुलीचा साखरपुडा झाला असून मेमधील तारीख लग्नासाठी निश्चित करण्यात आली होती. (वार्ताहर)

Sangli (Marathi News)

जेवणाचा बहाणा : डोक्यात लोखंडी पाईप घातली; मृतदेह मोटारीतून नेला; ग्रामीण पोलिसांचे कोल्हापूर जिल्ह्यात छापे ...

जिल्हा परिषदेतील सत्तेचा पेच : राष्ट्रवादीकडूनही जुळवाजुळव; भाजपच्या कोअर कमिटीची आज बैठक ...

माहेरचे नातेवाईक आक्रमक; डॉक्टरसह सासरच्या मंडळींविरूद्ध तक्रार ...

उद्धव ठाकरे : शिवसेनेच्या स्थानिक पदाधिकाऱ्यांनी सादर केला अहवाल; जिल्हा परिषदेचे सत्ताकारण ...

पानसरे हत्या प्रकरण; महत्त्वाची माहिती ‘एसआयटी’च्या हाती? ...

पलूसमध्येच अपयश : पतंगराव कदम यांचा बालेकिल्ला; राजकीय चर्चेला उधाण ...

वसंतदादा बँक घोटाळा : न्यायालयाचा निर्णय; माजी संचालकांना दिलासा ...

जयंत पाटील : मिरजेत राष्ट्रवादीची चिंतन बैठक; जिल्ह्यातील पक्षीय पराभवाची नैतिक जबाबदारी माझीच ...

उमदीतील घटना; खासगी सावकारकीचा तगादा ...