Ratnagiri News | Latest Ratnagiri News in Marathi | Ratnagiri Local News Updates | ताज्या बातम्या रत्नागिरी | रत्नागिरी समाचार | Ratnagiri Newspaper

चिपळूण : मागील आठवड्यात शहरात पूर परिस्थिती निर्माण झाली होती. मात्र सोमवारी रात्रीपासून येथे मुसळधार पर्जन्यवृष्टी सुरू असल्याने वाशिष्ठी नदीने इशारा पातळी ओलांडली असून आता बाजारपेठेतील काही भागात पुराचे पाणी शिरायला सुरुवात झाली आहे. भरतीमुळे आणखी काही प्रमाणात पाणी पातळीत वाढ होण्याची शक्यता आहे. शहर आणि ग्रामीण भागात सोमवारी सायंकाळपासून पावसाने जोरदार सुरुवात केली. रात्रभर पाऊस पडत राहिला. मंगळवारी सकाळी पावसाचा जोर अधिक वाढला आणि वाशिष्ठीसह शिवनदीने देखील इशारा पातळी ओलांडली. बघता बघता बाजारपुल व नाईक कंपनी परिसरात पुराचे पाणी शिरले. याशिवाय लोकमान्य टिळक स्मारक वाचनालय व अनंत आईस फॅक्टरी परिसरातही पाणी आले आहे. त्यामुळे व्यापारी वर्ग व नागरिक पुराच्या भीतीने पुन्हा एकदा धास्तावले आहेत. या सं पूर्ण परिस्थितीवर प्रांताधिकारी आकाश निगाडे, मुख्याधिकारी प्रसाद शिंगटे हे स्वतः जातिनिशी लक्ष देऊन आहेत. तसेच संबंधित अधिकाऱ्यांनाही सतर्क केले आहे. परंतु सकाळी 11 वाजेपर्यंत असलेली पाणी पातळी ओहटीमुळे हळूहळू कमी होत आहे. वाशिष्ठी व शिवनदीने अद्याप धोक्याची पातळी ओलांडलेली नाही, त्यामुळे व्यापारी व नागरिकांनी भाबरून जाण्याची गरज नाही. सायंकाळी ४ नंतर भरती असल्याने प्रशासन त्यावरही लक्ष ठेवून राहणार आहे. तसेच एनडीआरएफचे पथक सज्ज असल्याची माहिती नगर परिषद प्रशासनाकडून देण्यात आली.

Ratnagiri (Marathi News)

पुराचे पाणी वाढू लागल्याने प्रशासनाने नागरिक व व्यापाऱ्यांना सतर्कतेच्या सूचना दिल्या ...

खेड तालुक्यातील धामणी येथे झाला अपघात ...

हवामान खात्याने दिलेल्या अंदाजानुसार रत्नागिरी जिल्ह्यात आज, दिनांक २६ जुलै रोजी 'रेड अलर्ट' देण्यात आला आहे. ...

शासनाच्या उदासीनतेबद्दल संताप ...

रत्नागिरी पाेलिसांनी तात्काळ सूत्र हलवून नाकाबंदी केली ...

जवाहर चौकातील एसटी वाहतूक सोमवारी सकाळपासून पूर्ववत ...

भरतीमुळे आणखी काही प्रमाणात पाणी पातळीत वाढ होण्याची शक्यता आहे ...