Latest Pimpri Chinchwad News | Pimpri Chinchwad Marathi News | Latest Pimpri Chinchwad News in Marathi | पिंपरी -चिंचवड: ताज्या मराठी बातम्या

पुणे : पुणे शहर आणि परिसरात गेल्या दोन दिवसांपासून संततधार पाऊस पडत आहे. काल रात्रीपासून पावसाची हजेरी सुरूच असून पावसाची रिपरिप सुरू आहे. हवामान विभागाने दिलेल्या अंदाजानुसार या आठवड्यात आकाश ढगाळ राहून हलका ते मध्यम स्वरूपाचा पाऊस पडण्याची शक्यता वर्तवण्यात आली होती. या रिपरिपीमुळे शहरातील प्रमुख रस्त्यांवरील वाहतूक संथ गतीने सुरू असल्याने प्रमुख मार्गांवर वाहतूककोंडी झाल्याचे दिसून आले आहे. त्यामुळे वाहनचालकांना मनस्ताप सहन करावा लागला.गेल्या काही दिवसांपासून शहर परिसरात सतत पाऊस सुरू आहे. त्यामुळे सखल भागांत रस्त्यांवर पाण्याची तळी साचली आहेत. काही प्रमुख मार्गांवर खड्डे पडल्याने वाहतूक संथ गतीने सुरू आहे. शिवाय दिवसभर पाऊस असल्याने चारचाकी घेऊन बाहेर पडणाऱ्यांची संख्या जास्त आहे. त्यामुळे टिळक रस्ता, बाजीराव रस्ता, फर्ग्युसन रस्ता, जंगली महाराज रोड, तसेच मध्यवर्ती भागातील अप्पा बळवंत चाैक, नारायण पेठ, सदाशिव पेठ या भागात मोठ्या प्रमाणात रस्त्यानावरून पाणी वाहतं दिसत आहे. सकाळपासून सुरू झालेल्या रिमझिम पावसामुळे वाहनचालकांना फटका बसला आहे. वाहनधारकांना निश्चित स्थळी जाण्यासाठी बराच वेळ लागत आहे. शिवाय अनेक ठिकाणी रस्त्याची कामे सुरू आहेत. त्यामुळे वाहतूक सुरळीत सुरू राहण्यासाठी अडथळे येत आहेत. शाळा सुरू झाल्या अन् कोंडीत भर पडलीसोमवारी शहरातील सर्व शाळा सुरू झाल्या आहेत. त्यामुळे रस्त्यांवर आता शालेय वाहनांची भर पडली आहे. त्यामुळे काही भागात सकाळपासूनच वाहतूककोंडी पाहायला मिळाली. यामुळे कामानिमित्त बाहेर पडलेल्या नागरिकांना गर्दीतून मार्ग काढत प्रवास करावा लागला. तर काही ठिकाणी सिग्नल यंत्रणा बंद पडली होते. त्यामुळेही कोंडीत भर पडली.यंदा धरणं लवकर भरणारखडकवासला, पानशेत, टेमघर, वरसगाव या परिरसरातही मुसळधार पाऊस सुरु आहे. त्यामुळे दरवर्षी धरणं ही जुलै महिन्यानंतर किंवा ऑगस्ट महिन्यांत भरत असली तरी यंदा पावसाचे लवकर आगमन झाले आहे. त्यामुळे धरणं लवकरच भरतील अशी आशा निर्माण झाली आहे. त्यामुळे पुणेकरांची वर्षभराच्या पाण्याची चिंता जुलै महिन्याच्या सुरुवातीलाच मिटेल, असा अंदाज आहे.

Pimpri Chinchwad (Marathi News)

गुरुवारची नित्यनियमाची माऊलींची मंदिर प्रदक्षिणा झाल्यानंतर पालखी प्रस्थान होणार ...