समाजवादी पक्षाचे संस्थापक आणि उत्तर प्रदेशचे माजी मुख्यमंत्री मुलायम सिंह यादव यांचे धाकटे चिरंजीव प्रतीक यादव यांच्या अचानक निधनाने सर्वांनाच मोठा धक्का बसला आहे. ते गेल्या काही दिवसांपासून आजारी होते असं सांगितलं जात आहे. प्रतीक यांच्या निधनानंतर त्यांच्यासोबत जिममध्ये असणाऱ्या एका मित्राने सांगितलं की, प्रतीक आपल्या फिटनेसची खूप काळजी घ्यायचे आणि सर्वांशी अतिशय चांगल्या पद्धतीने वागायचे.
प्रतीक यांच्या निधनाची बातमी समजताच त्यांच्या निवासस्थानी पोहोचलेल्या त्यांच्या जिम पार्टनरने 'टीव्ही ९ भारतवर्ष'शी संवाद साधला. यावेळी त्यांनी अत्यंत मोठा खुलासा केला. "प्रतीक खूप फिट राहायचे. मात्र प्रत्येक घराप्रमाणे त्यांच्याही घरात जेव्हा काही वाद झाले, तेव्हा ते थोडे टेन्शनमध्ये देखील होते आणि त्यामुळे कदाचित डिप्रेशनमध्येही होते" असं म्हटलं आहे.
"आमची मैत्री खूप जुनी होती"
आपल्या मैत्रीबद्दल बोलताना ते पुढे म्हणाले, "आम्ही जेव्हा जेव्हा भेटायचो, तेव्हा ते खूप प्रेमाने भेटायचे, संवाद साधायचे. आजारपणामुळे त्यांचं जिममध्ये येणं बंद झालं होतं, पण प्रकृती सुधारल्यावर त्यांनी पुन्हा व्यायाम करण्यास सुरुवात केली होती. पण आता काय सांगणार... आमची मैत्री खूप जुनी होती. त्यांच्याशी असलेल्या मैत्रीबद्दल काय सांगू, मी त्यांना खूप चांगलं ओळखायचो. २०१२-१३ पासून म्हणजेच गेल्या १३ वर्षांपासून आम्ही एकमेकांना ओळखत होतो." मात्र त्यांच्या आजारपणाबाबत कधीही चर्चा झाली नाही, असंही त्यांनी स्पष्ट केलं.
किचनमध्ये बेशुद्ध, पहाटे ४:५५ वाजता कॉल... प्रतीक यादव यांच्या निधनावेळी कुठे होत्या अपर्णा यादव?
मुलायम सिंह यादव यांचे सुपुत्र आणि भाजपा नेत्या अपर्णा यादव यांचे पती प्रतीक यादव यांचं आज निधन झालं. रुग्णालयात पोहोचण्यापूर्वीच त्यांचा मृत्यू झाला होता, असं सांगण्यात येत आहे. सिव्हिल हॉस्पिटलचे मुख्य वैद्यकीय अधीक्षक देवेश चंद्र पांडेय यांनी सांगितलं की, "त्यांना पहाटे ५:५५ वाजता रुग्णालयात आणलं गेलं होतं. या प्रकरणाची माहिती पोलिसांना देण्यात आली असून पोलिसांनी मृतदेहाचा पंचनामा करून तो शवविच्छेदनासाठी पाठवला आहे."
Web Summary : Prateek Yadav, Mulayam Singh Yadav's son, passed away. A gym partner disclosed Prateek was stressed and possibly depressed due to family issues. They had been friends for 13 years. He was found unconscious and taken to the hospital where he was declared dead.
Web Summary : मुलायम सिंह यादव के बेटे प्रतीक यादव का निधन हो गया। उनके एक जिम पार्टनर ने बताया कि पारिवारिक कलह के कारण प्रतीक तनाव में थे और शायद डिप्रेशन में भी थे। वे 13 साल से दोस्त थे। उन्हें बेहोश पाया गया और अस्पताल ले जाया गया जहाँ उन्हें मृत घोषित कर दिया गया।