बापरे! माकडांमुळे 5 जणांचा मृत्यू, जाणून घ्या नेमकं काय घडलं?

By ऑनलाइन लोकमत | Published: July 18, 2020 11:15 AM2020-07-18T11:15:58+5:302020-07-18T11:18:22+5:30

माकडांमुळे एका कुटुंबातील सदस्यांना आपला जीव गमवावा लागला आहे.

Malicious Monkeys Destroy Home, Kill Woman and Four Children in India | बापरे! माकडांमुळे 5 जणांचा मृत्यू, जाणून घ्या नेमकं काय घडलं? — बापरे! माकडांमुळे 5 जणांचा मृत्यू, जाणून घ्या नेमकं काय घडलं?

नवी दिल्ली - उत्तरप्रदेशच्या शाहजहांपूरमध्ये एक धक्कादायक घटना समोर आली. माकडांमुळे एका कुटुंबातील सदस्यांना आपला जीव गमवावा लागला आहे. माकडांमुळे घराची भिंत कोसळली असून यामध्ये पाच जणांचा मृत्यू झाल्याची दुर्दैवी घटना घडली आहे. मिळालेल्या माहितीनुसार, घराची भिंत कोसळल्याने एका महिलेसह चार मुलांचा मृत्यू झाला आहे. तर एक जण गंभीररित्या जखमी झाला. त्याला उपचारासाठी तातडीने जवळच्या रुग्णालयात दाखल करण्यात आले आहे.

शाहजहांपूरमध्ये ही धक्कादायक घटना घडली. एक महिला मुलांसह आपल्या घरामध्ये झोपली होती. त्याचवेळी काही माकडं घरावरून गेली. त्यांनी थोड्या वेळाने घराची भिंत जोरजोराने हलवण्यास सुरुवात केली. त्यामुळे घरामध्ये झोपलेल्या सदस्यांच्या अंगावर ही भिंत कोसळली. यामध्ये पाच जणांचा मृत्यू झाला तर एक जण गंभीर जखमी झाला आहे. मृतांमध्ये लहान मुलांचा देखील समावेश आहे.

भिंत कोसळण्याचा आवाज ऐकल्यावर परिसरातील लोक आले. त्यांनी ढिगारा हटवून कुटुंबाला वाचवण्याचा प्रयत्न केला. उपचारासाठी रुग्णालयात तातडीने दाखल केलं. मात्र डॉक्टरांनी पाच जणांना मृत घोषित केलं. उत्तर प्रदेशचे मुख्यमंत्री योगी आदित्यनाथ यांनी या घटनेवर दु:ख व्यक्त केले आहे. तसेच मृतांच्या नातेवाईकांना चार लाखांची आर्थिक मदत करण्याची घोषणा केली आहे. एका हिंदी वेबसाईटने याबाबतचे वृत्त दिले आहे.

CoronaVirus News : कोरोनाचा उद्रेक! हादरवणाऱ्या रुग्णसंख्येने गाठला नवा उच्चांक https://t.co/9wJqNWKxAx #coronavirus #CoronaUpdates
— Lokmat (@MiLOKMAT) July 18, 2020