Nashik Marathi News | नाशिक मराठी बातम्या | Latest Nashik News in Marathi | नाशिक ताज्या बातम्या | Nashik Crime Marathi News | नाशिक ब्रेकिंग न्यूज़| Breaking & Live Nashik News | Today's Nashik News paper

नाशिक : पर्यटन वृद्धीबरोबरच पर्यटकांची सायंकाळ सुरमयी करण्यासाठी महाराष्टÑ पर्यटन विकास महामंडळाकडून आता पर्यटन स्थळालगतच्या स्थानिक कलाकारांना त्यांच्या कलेचे सादरीकरणाची संधी उपलब्ध करून देण्यात आली आहे. या कलाकारांना राष्टÑीय व आंतरराष्टÑीय पर्यटकांसमोर कला सादर करण्यासाठी व्यासपीठ उपलब्ध होणार आहे.पर्यटन विकास महामंडळाच्या नाशिक प्रादेशिक विभागाच्या कार्यक्षेत्रात नाशिक, नगर, धुळे, नंदुरबार व जळगाव या जिल्ह्यांचा समावेश असून, पर्यटन विकास महामंडळाचे नगर जिल्ह्यात भंडारदरा व शिर्डी, नाशिक जिल्ह्यात त्र्यंबकेश्वर, जळगाव व नंदुरबार या जिल्ह्यांत तोरणमाळ येथे पर्यटक निवास असून, सदर पर्यटन निवासात पर्यटक येऊन राहतात. लगतच्या पर्यटनस्थळांचा व निसर्गाचाआनंद घेऊन सायंकाळी पर्यटक निवासात परतल्यावर रात्री करमणुकीसाठी व दिवसभराचा थकवा घालविण्यासाठी पर्यटन निवासाच्या आवारात मनोरंजनाचे कार्यक्रम सादर करण्याची कल्पना पर्यटन विकास महामंडळाने आखली आहे. त्यासाठी पर्यटनस्थळाच्या क्षेत्रात व परिसरात राहणाऱ्या संस्था, व्यक्ती व होतकरू स्थानिक कलाकारांची या कामी मदत घेण्यात येणार आहे. या कलाकारांना ‘विनामानधन’ तत्त्वावर पर्यटन महामंडळाच्या पर्यटक निवासामध्ये व्यासपीठ उपलब्ध होणार आहे. होतकरू कलाकारांना राष्टÑीय, आंतरराष्टÑीय पर्यटकांसमोर कला सादर करण्याची संधी मिळणार असून, यातून स्थानिक लोककला, संस्कृती इत्यादी जोपासण्याचे काम होईल. त्याचप्रमाणे चित्रकार, फोटोग्राफर यांना रिसोर्टमध्ये प्रत्यक्ष चित्र काढण्यास, फोटो घेण्याचा उपक्रम राबवून त्यांनाह प्रोत्साहन देण्याची योजना आहे. पर्यटन विकास महामंडळाच्या या अभिनव कल्पनेत सहभागी होऊ इच्छिणाºयांनी जिल्ह्यावार नेमलेल्या संपर्क अधिकाºयांकडे आपली नोंदणी करावी, असे आवाहन प्रादेशिक व्यवस्थापक नितीनकुमार मुंडावरे यांनी केले आहे.

Nashik (Marathi News)

आशिया खंडातील सर्वात तरुण आयर्नमॅन होण्याचा मान ...