Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

देवलापार : तोतलाडोह जलाशयात मासेमारी करण्यासाठी गेलेल्या मच्छीमारांवर स्पेशल टायगर प्रोटेक्शन फोर्स(एसटीपीएफ)च्या केलेल्या गोळीबारात एकाचा घटनास्थळीच मृत्यू झाला. ही घटना सोमवारी सायंकाळी ५.३० वाजताच्या सुमारास घडली.हरीनंद कुंदनलाल बनवारी (३२, रा. रयतवाडी, ता. रामटेक) असे मृताचे नाव आहे. या गोळीबारात अन्य सहा मच्छीमार जखमी झाल्याची माहिती सूत्रांनी दिली असून, त्यांची नावे कळू शकली नाही. हरीनंद हा अन्य काही मच्छीमारांसह डोंग्यात बसून तोतलाडोह जलाशयात मासे पकडण्यासाठी जाळे टाकत होता.दरम्यान, ही बाब लक्षात येताच ‘एसटीपीएफ’चे जवान डिझेल बोटने मच्छीमारांजवळ गेले. त्यात मच्छीमार व ‘एसटीपीएफ’च्या जवानांमध्ये बाचाबाची झाली. काही वेळातच ‘एसटीपीएफ’च्या जवानांनी मच्छीमारांच्या दिशेने गोळीबार करायला सुरुवात केली. त्यातील एक गोळी हरीनंदच्या थेट डोक्यात शिरल्याने त्याचा घटनास्थळीच मृत्यू झाला. यात अन्य सहा जण जखमी झाले.या कारवाईबाबत वन अधिकाऱ्यांनी गुप्तता पाळली होती. दरम्यान, रात्री ७.३० वाजताच्या सुमारास सदर घटनेची माहिती देवलापार पोलिसांना मिळाली. ठाणेदार हंसराज उंदीरवाडे यांच्यासह त्यांचे सहकारी घटनास्थळी पोहोचले. त्यावेळी तोतलाडोह धरणाच्या गेटजवळ वन विभागाचे अंदाजे १५० कर्मचारी उपस्थित होते. थोड्याच वेळात सर्व कर्मचारी हळूहळू निघून गेले. पोलिसांनी त्यांना सदर घटनेबाबत विचारणा केली असता, अशाप्रकारची घटना घडली नसल्याने सुरुवातीला सांगण्यात आले. सदर घटनेची माहिती मिळाल्याने रयतवाडी येथील २०० नागरिक घटनास्थळी पोहोचले होते. त्याचवेळी उपविभागीय पोलीस अधिकारी डॉ. दीपक साळुंके व शांता कुमरे घटनास्थळी आले. त्यावेळी मुख्य वनसंरक्षक श्रीनिवास रेड्डी, आरएफओ पोकळे, आरएफओ रिजवी व आरएफओ राठोड हे देखील हजर होते.देवलापार पोलिसांनी मृतदेह ताब्यात घेऊन तो उत्तरीय तपासणीसाठी नागपूर येथील मेयो रुग्णालयात पाठविला. जखमींना कुणीही उपचारासाठी रुग्णालयात नेले नाही. सर्वोच्च न्यायालयाने या जलाशयात मासेमारी करण्यावर बंदी घातली आहे. दरम्यान, वन अधिकारी रविवारी सकाळी ११ वाजतापासून या परिसरात ठाण मांडून होते. शिवाय, कारवाईनंतर गुप्तता पाळण्यात आली. त्यामुळे ही कारवाई पूर्वनियोजित होती, असा आरोप काहींनी केला आहे. (प्रतिनिधी)

Nagpur (Marathi News)

स्वाईन फ्लू बळीची संख्या वाढतच आहे. मंगळवारी आणखी दोन महिला रुग्णांचा मृत्यू झाला. ...

तोतलाडोह जलाशयात मासेमारी करण्यासाठी गेलेल्या मच्छीमारांवर ...