Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

लोकमत न्यूज नेटवर्कनागपूर : कोरोनाची दैनंदिन रुग्णसंख्या नियंत्रणात असली तरी मागील चार-पाच दिवसांपासून पुन्हा चढउतार दिसून येत आहे. गुरुवारी १० पॉझिटिव्ह रुग्णांची भर पडली. जिल्ह्यात रुग्णांची एकूण संख्या ४,९२,८५२ झाली. दोन दिवसांपासून मृत्यूची नोंद नसल्याने मृतांची संख्या १०,११६वर स्थिरावली आहे.कोरोनाचा रुग्णसंख्येसोबतच त्याची भीतीही कमी होताना दिसून येत आहे. परिणामी, मास्क, सॅनिटायझेशन व फिजीकल डिस्टंन्सिगचा नियमाला बगल देण्याचे प्रमाण वाढले आहे. याचा धोका होण्याची शक्यता, आहे. गुरुवारी शहरात ४,५८९ तर ग्रामीणमध्ये १,१६८ असे एकूण ५,७५७ चाचण्या झाल्या. यातून शहरात ६ तर ग्रामीणमध्ये ४ रुग्ण आढळून आले. आज २३ रुग्ण बरे झाले. कोरोनावर मात करणाऱ्या रुग्णांची संख्या ४,८२,५४१ झाली. सध्या १९५ कोरोनाचे सक्रिय रुग्ण आहेत. यातील १४४ रुग्ण होम आयसोलेशनमध्ये तर ५१ रुग्ण शासकीयसह विविध खासगी हॉस्पिटलमध्ये उपचार घेत आहेत.मेडिकलमध्ये १४, एम्समध्ये ३ तर मेयोत २ रुग्णकोरोनाचा रुग्णांसाठी मेडिकलमध्ये ९००, मेयोत ६०० तर एम्समध्ये २५० बेडची सोय करण्यात आली होती. मार्च व एप्रिल महिन्यात या रुग्णालयात बेड मिळणे कठीण झाले होते. परंतु प्रादुर्भाव कमी होताच हेच बेड ‘नॉन कोविड’ रुग्णांसाठी उपलब्ध करून दिले जात आहे. सध्या मेडिकलमध्ये १४, एम्समध्ये ३ तर मेयोत केवळ २ रुग्ण उपचाराखाली आहेत. कोरोनाची गुरुवारची स्थितीदैनिक चाचण्या: ५,७५७शहर : ६ रु ग्ण व ० मृत्यूग्रामीण : ४ रुग्ण व ० मृत्यूए. बाधित रुग्ण :४,९२,८५२ए. सक्रिय रुग्ण : १९५ए. बरे झालेले रुग्ण : ४,८२,५४१ए. मृत्यू : १०,११६

Nagpur (Marathi News)

महापूर आला त्या रात्री सर्वजण गाढ झोपेत होते. मी १८ वर्षांचा होतो. पूर पहाटे आला. घरी सर्वच होते. ... ...

CoronaVirus कोरोनाची दैनंदिन रुग्णसंख्या नियंत्रणात असली तरी मागील चार-पाच दिवसांपासून पुन्हा चढउतार दिसून येत आहे. ...