Latest Marathi News

लग्नाची वरात, डीजेचा आवाज आणि आनंदाचं वातावरण... पण याच वरातीत नाचण्यावरून झालेलं भांडण एका तरुणाच्या जीवावर बेतलं आहे. पुण्याच्या कात्रज भागात चुलत भावाच्या लग्नात नाचण्यावरून झालेल्या वादाचा बदला घेण्यासाठी २४ वर्षीय तेजस पिलाने याची धारदार शस्त्राने वार करून हत्या करण्यात आली. याप्रकरणी भारती विद्यापीठ पोलिसांनी वेगाने तपास करत चार जणांच्या मुसक्या आवळल्या आहेत.नेमकी घटना काय?२५ एप्रिल रोजी कात्रज सर्व्हिस रोडवर तेजस पिलाने हा तरुण रक्ताच्या थारोळ्यात बेशुद्ध अवस्थेत आढळून आला होता. त्याच्या शरीरावर धारदार शस्त्राने वार करण्यात आले होते. पोलिसांनी त्याला तातडीने भारती विद्यापीठ रुग्णालयात उपचारासाठी दाखल केले, मात्र उपचारादरम्यान त्याचा दुर्दैवी मृत्यू झाला. तेजसच्या भावाने दिलेल्या तक्रारीनंतर पोलिसांनी हत्येचा गुन्हा दाखल करून तपासाची चक्रे फिरवली.नाचण्यावरून वादाची ठिणगीतपासादरम्यान पोलिसांना माहिती मिळाली की, तेजसचे त्याच्याच नातेवाईकांशी काही दिवसांपूर्वी वाद झाले होते. पोलिसांनी थेट वेल्ह्याजवळील कोंढवाळे गाव गाठले. तिथे धक्कादायक वास्तव समोर आले. काही दिवसांपूर्वी एका भावाच्या लग्नाची वरात निघाली होती. या वरातीत नाचण्यावरून तेजस आणि त्याचा चुलत भाऊ विशाल खोपडे यांच्यात जोरदार भांडण झाले होते. हाच राग विशालच्या मनात होता.गाठून केला गेम!लग्नातील त्या अपमानाचा बदला घेण्यासाठी विशालने आपल्या साथीदारांसह तेजसचा काटा काढण्याचे ठरवले. २५ एप्रिलला संधी मिळताच आरोपींनी तेजसवर धारदार शस्त्राने सपासप वार केले आणि त्याला रस्त्यावर सोडून पळ काढला. भारती विद्यापीठ पोलिसांनी या प्रकरणात तांत्रिक तपास आणि गुप्त माहितीच्या आधारे पाठलाग करून चार जणांना अटक केली आहे. अटक करण्यात आलेल्या आरोपींची नावे विशाल खोपडे (वय २२ वर्षे), अभिषेक खोपडे (वय २३ वर्षे), हरिश्चंद्र धुळे (वय ४३ वर्षे), आदिनाथ कसबे (वय १९ वर्षे) अशी आहेत. पोलीस या प्रकरणाचा अधिक तपास करत आहेत.

औरंगाबादमध्ये आठवड्याला जमा होतात २० टन पोळ्या; पशुखाद्य तयार करण्यासाठी होतोय वापर ...

आयर्लंड विरूद्ध उद्या रंगणार दुसरा टी२० सामना ...

एकनाथ शिंदे यांनी २० जूनला मध्यरात्रीच शिवसेनेचे आमदार सूरतला हलविले आणि दुसऱ्या दिवशी राज्यात भूकंप झाला. ...

Randeep hooda: 'माझ्या मृत्यूनंतर मला खांदा दे', असं वचन दलबीर यांनी रणदीपकडे मागितलं होतं. हे वचन रणदीपनेही पूर्ण केलं. ...

मराठमोळी ही अभिनेत्री बोल्ड आणि बिनधास्त म्हणून चित्रपटसृष्टीत प्रसिद्ध आहे. ...

आबिटकर यांनी कोणत्याही आमिषाला बळी पडू नये. बंडखोरीमुळे सामान्य शिवसैनिकांची प्रतिक्रिया वाईट आहे. ...

LIC Policy: LICच्या प्लॅन्सद्वारे तुम्ही लाखो रुपयांचा फंड जमा करू शकता. यासाठी एलआयसीने विविध योजना दिल्या आहेत. ...