Latest Marathi News

'तू माझी नाहीस तर कोणाचीच नाही', या विकृत मानसिकतेतून पंजाबमध्ये एका तरुणाने दोन मुलांच्या आईची अत्यंत क्रूरपणे हत्या केली आहे. ३० वर्षीय अंगणवाडी सेविका रमणदीप कौर हिचा रक्ताच्या थारोळ्यात पडलेला मृतदेह पाहून पोलिसांचाही थरकाप उडाला. आरोपीने तब्बल २३१ किलोमीटरचा प्रवास करून येत या हत्याकांडचा कट रचला आणि अत्यंत निर्दयीपणे तिला संपवले.सोशल मीडियावरील ओळख ठरली काळ!मृत रमणदीप कौर आणि २० वर्षीय आरोपी करनदीप सिंह यांची ओळख सहा महिन्यांपूर्वी सोशल मीडियाच्या माध्यमातून झाली होती. दोघांमध्ये संवाद सुरू होता, मात्र काही काळाने रमणदीपला करनदीपचा स्वभाव संशयास्पद वाटू लागला. तिने त्याच्याशी बोलणे बंद केले आणि त्याचा नंबर ब्लॉक केला. हीच गोष्ट करनदीपच्या वर्मी लागली आणि त्याने बदला घेण्याचे ठरवले.अंगावर काटा आणणारे कृत्य२२ एप्रिलच्या सकाळी आरोपी करनदीप थेट रमणदीपच्या अंगणवाडी केंद्रात घुसला. तिथे त्यांच्यात जोरदार वाद झाला. संतापलेल्या करनदीपने सोबत आणलेल्या पेपर कटरने रमणदीपवर हल्ला केला. त्याने केवळ तिचा गळाच चिरला नाही, तर तिला इतकी अमानुष मारहाण केली की तिचे दातही तुटले. मृतदेह पूर्णपणे छिन्नविछिन्न करून तो घटनास्थळावरून पसार झाला.रक्ताने माखलेले हात अन् चालकाचा संशयहत्येनंतर आरोपीने लिफ्ट घेऊन पळून जाण्याचा प्रयत्न केला. मात्र, एका वाहन चालकाला त्याच्या रक्ताने माखलेल्या हातांचा संशय आला. चालकाने त्याला मध्येच उतरवले आणि पोलिसांना सुगावा लागला. पोलिसांनी तांत्रिक तपास आणि सीसीटीव्ही फुटेजच्या मदतीने करनदीपला बेड्या ठोकल्या आहेत.दोन चिमुरड्यांचे छत्र हरपलेरमणदीपचा विवाह २०१७ मध्ये झाला होता आणि तिला दोन लहान मुले आहेत. तिच्या पतीचे, गुरुचरण सिंह यांचे सांत्वन करणे कठीण झाले आहे. "घटनेच्या काही वेळ आधीच माझे पत्नीशी बोलणे झाले होते, आणि काही वेळातच हे भयानक संकट कोसळले," अशा शब्दांत त्यांनी आपले दुःख व्यक्त केले. पोलिसांनी हत्येचा गुन्हा दाखल करून आरोपीकडून गुन्ह्यात वापरलेले शस्त्र जप्त केले आहे.

सततच्या पावसामुळे या बारवी धरणात पाण्याचा येवा सतत सुरू आहे. त्यामुळे पाणीपातळीत सतत वाढ होत आहे. ...

IAS तपस्या परिहार 2021 मध्ये प्रसिद्धीच्या झोतात आली, खासकरून जेव्हा तिने आपल्या लग्नात कन्यादान करण्यास नकार दिला. ...

हसा पोट धरुन... ...

छापा टाण्यासाठी पोहोचलेले हे पथक सुरवातीला या अभियंत्याचे आलिशान घर पाहूनच थक्क झाले. ...

सेलू शहरातील घटना : अज्ञात चार आरोपीविरुद्ध गुन्हा ...

Kriti Sanon: क्रितीला बऱ्याचदा स्टारकिड्समुळे सिनेमातून रिप्लेस करण्यात आलं होतं. ...