Latest Marathi News

देशातील सर्वात मोठा डेअरी ब्रँड म्हणून ओळखल्या जाणाऱ्या 'अमूल'ने सर्वसामान्यांना मोठा झटका दिला आहे. गुजरात सहकारी दुग्ध विपणन महासंघ (GCMMF) ने दुधाच्या दरात प्रति लिटर २ रुपयांची वाढ करण्याची घोषणा केली आहे. ही दरवाढ १४ मे २०२६ पासून संपूर्ण देशभरात लागू होईल.महासंघाने जारी केलेल्या अधिकृत पत्रकानुसार, ताज्या दुधाच्या पाऊचमधील प्रमुख प्रकारांच्या किमतीत ही वाढ करण्यात आली आहे. ही दरवाढ सरासरी २.५ ते ३.५ टक्के एवढी आहे. जी सध्याच्या अन्न महागाई दराच्या तुलनेत कमी असल्याचेही महासंघाने म्हटले आहे.काय आहे दरवाढीचं कारण? -दूध उत्पादन आणि संचालनाच्या खर्चात झालेली मोठी वाढ, हे या दरवाढीचे मुख्य कारण आहे. पशुखाद्य, दुधाच्या पॅकेजिंग फिल्म्स आणि इंधनाच्या दरात लक्षणीय वाढ, आदी गोष्टींमुळे हा निर्णय घेण्यात आल्याचे महासंघाने म्हटले आहे. याच वेळी, या दरवाढीचा लाभ शेतकऱ्यांनाही मिळेल, असेही महासंघाने म्हटले आहे. जीसीएमएमएफच्या सदस्य संघांनी दूध खरेदी दरात ३० रुपये प्रति किलो फॅटची वाढ केली आहे. ती मे २०२५ च्या तुलनेत ३.७ टक्क्यांनी अधिक आहे.यापूर्वीही करण्यात आली होती दर वाढ -यापूर्वी १ मे २०२५ रोजी दुधाच्या दरात वाढ करण्यात आली होती. अमूल हा देशातील सर्वात मोठा दुग्ध उत्पादक सहकारी संघ असल्याने या निर्णयाचा परिणाम देशभरातील कोट्यवधी ग्राहकांवर होणार आहे. तज्ज्ञांच्या मते, दुधाच्या किमती वाढल्यामुळे केवळ घरगुती बजेटच कोलमडणार नाही, तर दुधावर आधारित इतर पदार्थ जसे की चहा, कॉफी, मिठाई आणि विविध डेअरी उत्पादनांच्या किमतीही येत्या काळात वाढू शकतात.

१४ वर्षीय मुलाने मुलीला गच्चीवर नेऊन तिच्याशी दोन वेळा अश्लील कृत्य करण्याचा प्रयत्न केला ...

शेतीला बारमाही पाणीपुरवठा करुनही शेतकरी आता ऊस पिकाकडे वळताना दिसत नाही. जाणून घेऊयात काय आहे कारण. (Sugarcane Factory) ...

कठोर परिश्रम योग्य दिशेने केले तर यश नक्कीच मिळतं. ...

लक्ष्मी रस्त्यावरील कुंटे चौक ते गरुड गणपती चौक हा भाग या दिवशी वाहनांसाठी बंद असणार आहे ...

बॉलिवूड अभिनेत्री मलायका अरोराला कोणत्याही परिचयाची गरज नाही. ...