Latest Marathi News

जालना : लग्नातील साध्या मस्करीचे रूपांतर मोठ्या वादात होऊन त्याचे पर्यवसान तुंबळ हाणामारीत झाल्याची धक्कादायक घटना अंबड तालुक्यातील नांदी येथे घडली. नवरदेवाचे बूट लपवल्याच्या कारणावरून झालेल्या या वादात लाथाबुक्क्यांनी आणि काठ्यांनी एकमेकांना मारहाण करण्यात आली. विशेष म्हणजे, या गोंधळाचा फायदा घेत लाखो रुपयांचे दागिने जबरीने हिसकावून नेल्याचा प्रकार घडल्याने परिसरात खळबळ उडाली.फिर्यादी अश्विनी विष्णू वानी (वय २९, रा. खडकेश्वर) या आपल्या मावस भावाच्या लग्नासाठी नांदी येथे आल्या होत्या. लग्नामध्ये वधुपक्षाकडील मंडळींनी नवरदेवाचे बूट लपवले होते. याचा राग धरून नवरदेवाचा भाऊ सोमनाथ गायकवाड याने नवरीची चप्पल लपवली. या शुल्लक कारणावरून आरोपी लहू गिऱ्हे याने सोमनाथच्या तोंडावर बुक्का मारला आणि पाहता पाहता वादाचे रूपांतर हाणामारीत झाले. महिलांच्या अंगावरील दागिने ओरबाडलेभांडण सुरू असतानाच आरोपींनी संगनमत करून फिर्यादी आणि त्यांच्या नातेवाईकांना शिवीगाळ करत लाथाबुक्क्यांनी व लाकडी काठीने मारहाण केली. याच गोंधळात आरोपींनी महिलांच्या अंगावरील दागिने ओरबाडण्यास सुरुवात केली. यात फिर्यादी अश्विनी वाणी यांचे ७ ग्रॅमचे मंगळसूत्र आणि १५ ग्रॅमचे नेकलेस ओढून नेले. त्यांची आई संगीता वानी यांचे दोन तोळ्याचे नेकलेस व सोन्याचा सर हिसकावला. मावशी अलका गायकवाड आणि बहिणींचे कानसाखळी, झुमके आणि सोन्याची पोत देखील जबरीने काढून घेण्यात आली. सात महिलांवर गुन्हा दाखलया प्रकरणी अश्विनी वानी यांच्या फिर्यादीवरून अंबड पोलीस ठाण्यात संशयित राधा गायकवाड, यशोदा गिऱ्हे, शोभा गिऱ्हे, दिनेश गिऱ्हे, लहू गिऱ्हे, शोभा गायकवाड, नवरीची चुलती यांच्यासह इतर ६ ते ७ महिलांविरुद्ध गुन्हा दाखल करण्यात आला आहे. पुढील तपास पोलीस निरीक्षक यांच्या मार्गदर्शनाखाली पोलीस हेकॉ. नरवडे करत आहेत.

अमेरिकेच्या राज्यघटनेत राष्ट्रपतींच्या माफी शक्तीचा स्पष्टपणे उल्लेख नमूद केलेला आहे ...

दुःखातून परिवार सावरत नाही, तोच घरातील कर्त्या मुलाचा मृत्यू झाल्याने कुटुंबावर मोठा आघात झाला आहे. ...

घरदार विकून केले चित्रिकरण, कोल्हापुरातील नामवंत दिग्दर्शक ...

अभिजीत भट्टाचार्य यांनी एका मुलाखतीत शाहरुखविषयी खदखद व्यक्त केली. ...

राज्यसभेत चलनी नोटा सापडल्या प्रकरणी काँग्रेस खासदार अभिषेक मनु सिंघवी यांनी स्पष्टीकरण दिले आहे. ...