Latest Marathi News

Jarahatke : देशाच्या वेगवेगळ्या भागांमध्ये उन्हाचा पारा ४५ डिग्रीच्या वर जाऊन पोहोचलाय. लोकांचं घराबाहेर पडणंही मुश्किल झालंय. दिवसरात्र लोक एसी-कुलरसमोर बसून राहताहेत. त्यामुळे जसजसा उन्हाचा पारा वाढतोय, तसा इलेक्ट्रिल बिलाचा देखील वाढतोय. अशात 'पिंक सिटी' म्हणून ओळखल्या जाणाऱ्या जयपुरमधील तब्बल ४ हजारांपेक्षा जास्त कुटुंबांनी या गरमीवर एक जालीम उपाय शोधला आहे. उन्हाळ्यात घराचं छत सगळ्यात जास्त गरम होतं. सूर्याची प्रखर किरणं थेट छतावर पडतात आणि छत तापलं की घरातही उकडायला होतं. पण जयपुरच्या लोकांनी यावर एक जबरदस्त उपाय शोधलाय. ज्यामुळे छत गरम होणं बंद झालंय. जयपुरमधील अनेक कुटुंबांनी घराच्या छतांवर छोटे-छोटे गार्डन बनवले. रिकाम्या छतावर आता झाडं, भाज्यांची रोपं आणि हिरवळ दिसू लागलीये. यातून त्यांना दोन फायदे झालेत, एक म्हणजे ऊन थेट छतावर पडत नाही, दुसरा म्हणजे झाडांमुळे हवेत थंडावा राहतो. ज्यामुळे आजूबाजूचं तापमान कमी होतं.या सिस्टीममध्ये हलक्या वजनांचे खास बॉक्स किंवा बेड तयार केले जातात. ज्यात माती किंवा मातीशिवायही झाडं लावण्यात आली आहे. झाडं सूर्याची उष्णता शोषून घेतात आणि त्यामुळे खाली घरात जास्त गरम होत नाही. सोबतच झाडांच्या थंडाव्याने हवाही थंड राहते. ET च्या रिपोर्टनुसार, जयपुरच्या ४ हजारांपेक्षा जास्त कुटुंबांनी हा उपाय केलाय. या घरात लोकांना जाणवलं की, विना एसी सुद्धा खोली अधिक थंड होत आहे. सोबतच विजेचं बिलही कमी झालं आणि लोकांचा नॅचरल पद्धतीने उन्हापासून लोकांचा बचाव होत आहे. ही आयडिया समोर येण्यामागे एक व्यक्ती आहे, ज्याने कॉर्पोरेट नोकरी सोडून हे काम सुरू केलं. या व्यक्तीने लोकांना समजावलं की, रिकामं असलेलं छत एक कूलिंग सिस्टीम बनू शकतं. हळूहळू लोक यात जुळत गेले आणि याने उपायाने एक अभियानाचं रूप घेतलं. या उपायाचा व्हिडीओ समोर येताच व्हायरल झाला. अनेकांनी याला स्वस्त आणि शानदार उपाय मानलं. पण दुसरीकडे एक्सपर्टचं मत आहे की, हा उपाय सगळीकडेच काम करेल असं नाही. खासकरून ज्या घरांचे छत कमजोर असतात आणि जागा कमी असते तिथे हा उपाय प्रभावी ठरू शकणार नाही. पण जिथे शक्य आहे तिथे उन्हापासून बचावासाठी हा उपाय चांगला पर्याय ठरू शकतो.

गेल्या काही वर्षांत घरगुती हिंसाचाराच्या घटनांमध्ये सातत्याने वाढ होत असल्याचे पाहायला मिळत आहे. ...

नातवाने आजीच्या डोक्यात दगडाने मारून व कुऱ्हाडीने गळ्यावर, मानेवर वार करून ठार मारले आहे. ...

पाहा आज कोणते शेअर्स वधारले आणि कोणत्या शेअर्समध्ये घसरण दिसून आली. ...

Bigg Boss 18 हा शो स्क्रीप्टेड असल्याचा आरोप लागला असून स्पर्धक इशा सिंहचा स्क्रीप्ट वाचतानाचा फोटो व्हायरल झालाय ...

जागतिक दिव्यांग दिनाच्या पार्श्वभूमीवर या महिलांना न्याय मिळेल अशी अपेक्षा आहे. ...