Latest Marathi News

मध्य प्रदेशातील इंदूर शहरात उन्हाचा कडाका आणि आजोबांचा निष्काळजीपणा यामुळे एका चार वर्षांच्या चिमुकलीला आपला जीव गमवावा लागला आहे. चिमुकली आजोबांसोबत फिरायला गेली होती. मात्र परत येताना कारच्या मागच्या सीटवर झोपलेल्या या नातीला आजोबा कारमध्येच विसरले. कडक उन्हात तब्बल दोन तास कारमध्ये बंद राहिल्याने या मुलीचा मृत्यू झाला. या घटनेने सर्वांनाच मोठा धक्का बसला आहे. चिमुकली तिचे आजोबा साबिर हुसेन यांच्यासोबत कुटुंबातील इतर मुलांसह कारमधून फिरायला गेली होती. एका तासानंतर आजोबा मुलांना फिरवून घरी परतले, तेव्हा कारच्या मागच्या सीटवर झोपलेल्या नातीला कारमध्येत विसरले. दुपारच्या कडक उन्हात कार लॉक करून आजोबा घरात निघून गेले. असं सांगण्यात येत आहे की, दोन तास उलटूनही जेव्हा नात घरात दिसली नाही, तेव्हा तिचा शोध सुरू झाला. मात्र ती कारमध्येच बंद होती.रिपोर्टनुसार, आजोबा साबिर हुसेन जेव्हा चिमुकलीला कारच्या मागच्या सीटवर सोडून गेले, तेव्हा त्यांनी कार पूर्णपणे लॉक केली होती. कारच्या खिडक्या पूर्णपणे बंद असल्याने उन्हात कारमध्ये ऑक्सिजन नसल्याने मुलगी बेशुद्ध झाली असावी अशी शंका व्यक्त केली जात आहे. कारमध्ये बेशुद्ध अवस्थेत सापडलेल्या या मुलीला तातडीने रुग्णालयात नेण्यात आलं, परंतु डॉक्टरांनी तिला मृत घोषित केलं. या कारच्या खिडक्या आणि काचा ऑटोमॅटिक होत्या, अशी माहिती समोर आली आहे.इंदूर येथील नंदन वन कॉलनीत ही घटना घडली आहे. चिमुकलीच्या मृत्यूनंतर स्थानिक पोलिसांनी कायदेशीर कारवाई सुरू केली आहे. पोलिसांनी सांगितलं की, सोमवारी जिल्हा रुग्णालयात मृतदेहाचे शवविच्छेदन करण्यात आलं. मुलीचे वडील व्यापारी आहेत. या अपघातात जीव गमावलेली मुलगी कुटुंबातील दोन भावंडांमध्ये सर्वात लहान होती.

पंजाबच्या आघाडीच्या बॅटरसमोर महाराष्ट्राच्या ताफ्यातील गोलंदाज मुकेश चौधरीचा भांगडा ...

जालन्यात एकवटले सर्वधर्मीय : प्रकरण फास्टट्रॅकवर चालवा, आरोपींना कठोर शिक्षा करा ...

Sri Chakra Cement share: शुक्रवारी शेअर बाजार विक्रीच्या स्थितीत असताना काही पेनी शेअर्समध्ये मात्र मोठी तेजी दिसून आली. ...

उच्च न्यायालयाच्या खंडपीठाचा निर्णय ...