Latest Marathi News

अहमदनगर : पारनेर तालुक्यात खून, दरोडे, खुनाचा प्रयत्न, दुखापत करून दहशत बसविणे आणि पैसे कमविणाऱ्या टोळीविरुद्ध महाराष्ट्र संघटित गुन्हेगारी नियंत्रण कायद्यान्वये (मोक्का) कारवाई करण्याचे आदेश पोलीस अधीक्षक लखमी गौतम यांनी स्थानिक गुन्हे शाखेला दिले आहेत. या टोळीविरुद्ध जिल्ह्यात विविध पोलीस ठाण्यात १२ प्रकारचे गंभीर गुन्हे दाखल असल्याने ही कारवाई करण्यात आली आहे.पारनेर तालुक्यातील निघोज येथील हॉटेल मंथन येथे शरद उर्फ गौरव रघुनाथ पवार (रा. निघोज, ता. पारनेर)यास २० जणांच्या टोळीने शिवीगाळ,दमदाटी करून तसेच तलवारीने डोक्यावर, हातावर मारून, डोक्यावर काचेच्या बाटल्या मारून जिवे ठार मारण्याचा प्रयत्न केल्यावरून पारनेर पोलीस ठाण्यात गुन्हा दाखल करण्यात आला होता. विकास आनंदा रसाळ याच्या सांगण्यावरून ही मारहाण झाल्याची पोलीस ठाण्यात फिर्याद दिली होती. या गुन्ह्यात प्रवीण आनंदा रसाळ हा टोळीचा प्रमुख आहे. तो गुंडांच्या मदतीने पारनेर, शिरूर आणि परिसरात दहशत बसवून आर्थिक फायद्यासाठी खून, खुनाचा प्रयत्न करणे, दुखापत, मारामारी करणे यासारखे गुन्हे करून त्यातून अमाप पैसा जमा करीत आहे. या दहशतीच्या जोरावर अवैध वाळू उपसा करीत आहेत. या टोळीवर २००७ पासून आतापर्यंत एक खून, दोन खुनाचे प्रयत्न, अनेक दंगलीचे असे एकूण १२ गुन्हे दाखल आहेत. टोळीप्रमुख प्रवीण रसाळवर खून, खुनाचा प्रयत्न व अनेक दंगलीचे १० गुन्हे दाखल करण्यात आले आहेत. या आरोपीविरुद्ध मोक्का कायद्यान्वये कारवाईबाबत विशेष पोलीस महानिरीक्षक प्रवीण साळुंखे यांच्या परवानगीने ही कारवाई करण्यात येत असल्याचे पोलीस अधीक्षक लखमी गौतम यांनी सांगितले. तसे आदेशच स्थानिक गुन्हे शाखेला देण्यात आले आहेत.जिल्ह्यात कोणत्याही गुंडांची दादागिरी चालू द्यावयाची नाही. त्या गुंडांवर, तसेच त्याच्या पाठीराख्यावरही मोक्का, तडीपारीच्या कारवाया करून गुंडगिरीचे उच्चाटन करण्याबाबत गौतम यांनी पोलिसांना आदेश दिले आहेत. या टोळीचा प्रमुख प्रवीण रसाळ हा कुख्यात गुंड असून, वाळू तस्कर म्हणून त्याची तालुक्यात दहशत आहे. मोक्काच्या कारवाईमुळे या टोळीच्या गुन्हेगारीवर प्रतिबंध येईल.(प्रतिनिधी)

नागरिकांनी वेळीच सावध व्हावे ...

Nitish Kumar News: राज्यसभा निवडणुकीच्या पार्श्वभूमीवर राजकीय घडामोडींना वेग आला आहे. ...

भाजपने दिलेला त्रास ठरतोय अडचणीचा मुद्दा ...

या कारणासाठी एकत्र आले बॉलिवूड स्टार्स ...