Latest International News | International Marathi News | Latest International News in Marathi | आंतरराष्ट्रीय: ताज्या मराठी बातम्या

Donald Trump warns Iran: अमेरिकेचे राष्ट्राध्यक्ष डोनाल्ड ट्रम्प यांनी इराणबाबत अत्यंत कठोर भूमिका घेतली आहे. वॉशिंग्टन डी.सी. येथे काँग्रेसला संबोधित करताना आपल्या वार्षिक स्टेट ऑफ द युनियन भाषणात त्यांनी स्पष्ट केले की, कोणत्याही परिस्थितीत इराणला अण्वस्त्र तयार करू देणार नाही. ट्रम्प यांनी दावा केला की, यापूर्वी झालेल्या अमेरिकी लष्करी कारवायांमुळे इराणचा अण्वस्त्र कार्यक्रम जवळपास उद्ध्वस्त झाला होता, मात्र आता तेहरान पुन्हा त्याच दिशेने हालचाली करत असल्याची चिन्हे दिसत आहेत.अमेरिकेपर्यंत पोहोचू शकणाऱ्या मिसाइल्स...इराणकडून निर्माण होत असलेल्या धोक्याबाबत इशारा देताना ट्रम्प म्हणाले की, इराणने अशा क्षेपणास्त्रांची निर्मिती केली आहे, जी युरोप तसेच परदेशातील अमेरिकन लष्करी तळांसाठी गंभीर धोका ठरू शकतात. इतकेच नव्हे, तर इराण लांब पल्ल्याच्या क्षेपणास्त्र तंत्रज्ञानावर काम करत असून, भविष्यात ती थेट अमेरिकेपर्यंत पोहोचू शकतात, असा दावाही त्यांनी केला.‘ऑपरेशन मिडनाइट हॅमर’चा उल्लेखअमेरिकेची रणनीती स्पष्ट असल्याचे सांगत ट्रंप म्हणाले, Peace Through Strength, म्हणजेच मजबूत लष्करी ताकदीद्वारे शांती राखणे, हीच आमची नीती आहे. ट्रम्प यांनी आपल्या भाषणात मागील वर्षी इस्रायल-इराण तणावाच्या पार्श्वभूमीवर झालेल्या अमेरिकन हवाई हल्ल्यांचाही उल्लेख केला. ही कारवाई ‘ऑपरेशन मिडनाइट हॅमर’ म्हणून ओळखली जाते.त्यांच्या म्हणण्यानुसार, या कारवाईनंतर इराणला स्पष्ट इशारा देण्यात आला होता की, त्यांनी पुन्हा अण्वस्त्र कार्यक्रम सुरू करू नये. मात्र, इराण गुप्तपणे अण्वस्त्र क्षमतेत वाढ करण्याचा प्रयत्न करत असल्याचा संशय अजूनही कायम आहे.युद्ध नाही, करार हवा; पण अट ठाम...ट्रम्प यांनी असेही स्पष्ट केले की, हा वाद युद्धातून नव्हे तर कूटनीतीतून सोडवण्याची त्यांची इच्छा आहे. मात्र त्यांनी एक अटही घातली आहे. इराणने अजूनही उघडपणे हे जाहीर केलेले नाही की, ते कधीही अण्वस्त्र तयार करणार नाही. जोपर्यंत असे ठोस आश्वासन मिळत नाही, तोपर्यंत अमेरिका सावध भूमिका ठेवणार असल्याचे ट्रम्प म्हणाले.इराणचा पलटवार...दरम्यान, इराणकडून हे आरोप सातत्याने फेटाळले जात आहेत. इराणचे म्हणणे आहे की, त्यांचा अणुकार्यक्रम फक्त वीज निर्मिती आणि वैज्ञानिक संशोधनासाठी आहे. इराणचे परराष्ट्र मंत्री अब्बास अराघची यांनी पुन्हा एकदा स्पष्ट केले की, इराणला अण्वस्त्र बनवण्याचा कोणताही इरादा नाही. अमेरिका -इराण यांच्यातील पुढील चर्चा स्वित्झर्लंडमधील जिनेव्हा येथे होणार असून, त्या बैठकीत तोडगा काढण्याचा प्रयत्न केला जाईल, असेही त्यांनी स्पष्ट केले.चर्चा सुरू, पण तणाव कायमइराणचे राष्ट्राध्यक्ष मसूद पेजेशकियान यांनी चर्चेतून सकारात्मक संकेत मिळत असल्याचे म्हटले असले, तरी देश सर्व परिस्थितींसाठी सज्ज असल्याचा इशाराही त्यांनी दिला. दुसरीकडे, अमेरिकी अधिकाऱ्यांचा दावा आहे की, इराणने युरेनियमचे एनरिचमेंट धोकादायक पातळीपर्यंत नेले आहे, ज्यामुळे आंतरराष्ट्रीय समुदायाची चिंता वाढली आहे. या सर्व पार्श्वभूमीवर पश्चिम आशियातील परिस्थिती अधिक संवेदनशील होण्याची शक्यता आहे.

International (Marathi News)

PM Modi Israel Visit: PM मोदींना गार्ड ऑफ ऑनर देण्यात आला. ...

ही केवळ दगडांची बनलेली पोकळी नाही, तर पृथ्वीच्या पोटात वसलेली एक स्वतंत्र आणि जिवंत सृष्टी आहे. ...

महाराष्ट्रासह देश आणि विदेशातील महत्त्वाच्या घडामोडींचे लाइव्ह अपडेट्स... ...

अमेरिकेने हे विमान अद्याप कोणत्याही देशाला विकलेले नाही, यावरून त्याचे सामरिक महत्त्व समजू शकते. ...

क्षेत्रफळाने भारताच्या एका राज्यापेक्षाही लहान असलेल्या या देशाने आर्थिक प्रगतीत मात्र मोठी भरारी घेतली आहे. ...

Donald Trump warns Iran: अमेरिकेचे राष्ट्राध्यक्ष डोनाल्ड ट्रम्प यांनी इराणबाबत अत्यंत कठोर भूमिका घेतली आहे. ...