Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

Rajasthan Gangwar: राजस्थानच्या कोटपूतली–बहरोड जिल्ह्याच्या बानसूर शहरातून एका थरकाप उडवणाऱ्या 'गँगवार'चा व्हिडिओ समोर आला आहे. बुधवारी हरसोरा रोडवर पूर्ववैमनस्यातून दोन गटांमध्ये जोरदार सशस्त्र संघर्ष झाला. थार आणि स्विफ्ट कारमधून आलेल्या हल्लेखोरांनी रस्त्यावर उभ्या असलेल्या एका दुचाकीला धडक दिली, त्यानंतर दोन्ही बाजूंनी तुफान गोळीबार झाला. हा सगळा प्रकार तिथल्या सीसीटीव्हीमध्ये कैद झाला. या घटनेमुळे परिसरात काही काळ दहशत पसरली होती.गाड्यांची धडक आणि गोळीबाराची सुरुवातपोलिसांनी दिलेल्या माहितीनुसार, महिपाल गुर्जर आणि त्याचे साथीदार घनश्याम गुर्जर आणि कालू हे दुचाकीवरून जात असताना, बानसूरच्या दिशेने आलेल्या थार आणि स्विफ्ट कारने त्यांच्या दुचाकीला जोरदार धडक दिली. धडक बसण्यापूर्वीच दुचाकीवर मागे बसलेला एक तरुण खाली उतरला आणि त्याने थार गाडीवर गोळीबार सुरू केला. धडक लागल्यानंतर दुचाकीस्वार खाली पडताच, स्विफ्ट कारमधील हल्लेखोरांनी त्यांना चिरडण्याचा प्रयत्न केला आणि त्याचवेळी त्यांनीही गोळीबार सुरू केला. जखमी झालेल्या दुचाकीस्वारांपैकी एमपी गुर्जर याने तत्काळ पिस्तूल काढून कारमधील हल्लेखोरांवर जोरदार गोळीबार केला.दोन्ही गटांकडून झालेल्या या गोळीबारामुळे काही क्षणांतच रस्त्यावर युद्धभूमीचे स्वरूप आले आणि परिसरातील नागरिकांमध्ये मोठी दहशत पसरली. डीएसपी मेघा गोयल यांनी या घटनेबद्दल माहिती दिली आहे. त्यांच्या मते, ही घटना महिपाल गुर्जर आणि विनोद पोसवाल या दोन गटांमधील जुन्या वैमनस्यातून घडली आहे. पोलिसांनी दोन्ही गटांच्या तक्रारींवरून एकमेकांविरुद्ध हत्येचा प्रयत्न केल्याचा गुन्हा दाखल केला आहे.सीसीटीव्ही फुटेजमध्ये, दुचाकीस्वार जीव वाचवण्यासाठी बाजूच्या एका भिंतीवर चढून गोळीबार करत होते. दुचाकीस्वार पळून गेल्यानंतर, थार आणि स्विफ्टमधील हल्लेखोर गाडीतून उतरले आणि त्यांनी लोखंडी रॉडने दुचाकी तोडून दहशत निर्माण केली. पोलिसांनी सीसीटीव्ही फुटेजच्या आधारे आरोपींची ओळख पटवून त्यांच्या अटकेसाठी नाकाबंदी आणि शोध मोहीम तीव्र केली आहे.सध्या सोशल मीडियावर या घटनेचे व्हिडिओ मोठ्या प्रमाणात व्हायरल होत असून, फिल्मी स्टाईलमध्ये झालेल्या या गँगवारने राजस्थानमधील कायदा आणि सुव्यवस्थेवर प्रश्नचिन्ह उपस्थित केले आहे. या गोळीबारात कोणी गंभीर जखमी झाल्याची माहिती अद्याप समोर आलेली नाही.

Crime (Marathi News)

आराेपी रेणापूर पाेलिस ठाण्यात हजर; म्हणाला, साहेब बायकाेचा खून करून आलाेय... ...

शेअर ट्रेडिंगमध्ये गुंतवणूक केल्यास जास्त परतावा मिळेल, असे आमिष दाखवून फसवणूक केल्याची माहिती समोर आली आहे ...

डिव्हायडरवर चढल्याने गाडीचे नुकसान; पण जीवितहानी टळली ...

''आमच्या प्रेमास विरोध करून वडील व भावांनी त्याला संपविले. असे असले तरी मी लग्न करून कायम त्याचीच राहील'' ...

अलवरमध्ये एक धक्कादायक घटना समोर आली आहे. पोलीस कॉन्स्टेबल जयकिशन घटस्फोट न घेता दुसरं लग्न करत होता. ...

पोलिसांनी आरोपींकडून सोने-चांदीचे दागिने, महागडे आयफोन आणि तीन लाख रुपयांची रोकड जप्त केली आहे. ...

राजस्थानमध्ये दोन गटांमध्ये रस्त्यावरच गँगवॉर झाल्याने परिसरात खळबळ उडाली होती. ...